ކ. މާލެ
|
17 އޭޕްރިލް 2021 | ހޮނިހިރު 18:09
އިންޑިއާގެ އަސްކަރިއްޔާގެ އޮފިޝަލުންނާ އެކު ކުރީގެ ޗީފް އޮފް ޑިފެންސް ފޯސް އުތުރު ތިލަފަޅުގައި
އިންޑިއާގެ އަސްކަރިއްޔާގެ އޮފިޝަލުންނާ އެކު ކުރީގެ ޗީފް އޮފް ޑިފެންސް ފޯސް އުތުރު ތިލަފަޅުގައި
ރާއްޖެއެމްވީ
އުތުރުތިލަފަޅު
އުތުރުތިލަފަޅަށް އަރަން ބޭނުންވަނީ އެމްއެންޑީއެފްގެ ހުއްދަ އެކަނި: އެމްއެންޑީއެފް
 
އަޙްމަދު ފަޔާޒަކީ "ޑިސްއޮނަރަބަލް ޑިސްޗާޖް" އެއްގައި ވަޒީފާއިން ވަކިކޮށްފައިވާ މީހެއް
 
އުތުރުތިލަފަޅަކީ އެމްއެންޑީއެފްގެ މުވައްޒަފުން ތިބޭ ތަނެއް

ސިފައިންގެ ކާނަލްއެއްގެ މަގާމުގައި ކުރިން ހުރި އަހުމަދު ފަޔާޒް ޢަލީ ރިޒާ އުތުރުތިލަފަޅާ ގުޅިގެން ދެއްކި ވާހަކަ އެމްއެންޑީއެފުން ދޮގުކޮށްފިއެވެ.

ޓީވީ ޕްރޮގްރާމެއްގައި ވާހަކަދައްކަމުން ރިޒާ ވަނީ އިންޑިއާގެ އެހީގައި އެމްއެންޑީއެފްގެ ޑޮކްޔާރޑެއް ތަރައްގީކުރާ އުތުރުތިލަފަޅަށް އެރެނީ އިންޑިއާ ސިފައިންގެ ހުއްދައާ އެކު ކަމަށް ބުނެފައެވެ. އެވާހަކަ ގޮދުކޮށް އެމްއެންޑީއެފުން ނެރުނު ބަޔާނުގައި ބުނީ  އެމްއެންޑީއެފްގެ ބެލުމުގެ ދަށުގައި އޮންނަ އުތުރުތިލަފަޅަކީ އެމްއެންޑީއެފްގެ މުވައްޒަފުން ތިބޭ ތަނެއް ކަމަށެވެ. އެތަނަށް އަރައިފޭބުމަށް ބޭނުން ވަނީ ހަމައެކަނި އެމްއެންޑީއެފްގެ ހުއްދަ ކަމަށާއި ހދ. ހަނިމާދޫ އެއަރޕޯޓްގައި އެމްއެންޑީއެފުން ބަލައްޓާ ސަރަޙައްދަށް އަރައި ފޭބުމަށް ވެސް ބޭނުންވަނީ އެމްއެންޑީއެފްގެ ހުއްދަކަމަށެވެ.

އަހުމަދު ފަޔާޒާ ގުޅޭގޮތުން އެމްއެންޑީއެފުން ބުނީ އޭނާ އަކީ ތަފާތު ގިނަ އަޚުލާގީ މައްސަލަތަކާ ގުޅިގެން 2015 ޑިސެންބަރު 17 ވަނަ ދުވަހު ސިފައިންގެ ކާނަލެއްގެ މަގާމުން ކެޕްޓަނެއްގެ މަގާމަށް ޑިމޯޓްކޮށްފައިވާ މީހެއް ކަމަށެވެ. އަދި 2016 ޖޫން 19 ވަނަ ދުވަހު ކެޕްޓަނެއްގެ މަގާމުން ލެފްޓިނަންޓެއްގެ މަގާމަށް ޑިމޯޓްކޮށް އޭގެ ފަހުން "ޑިސްއޮނަރަބަލް ޑިސްޗާޖް" އެއްގައި ސިފައިންގެ ވަޒީފާއިން ވަކިކޮށްފައިވާ މީހެއް ކަމަށެވެ.

އުތުރު ތިލަފަޅާ ގުޅިގެން ގިނަ ބަޔަކު އެކި ކަހަލަ ވާހަކަތައް ދައްކަމުންދެއެވެ. އެތަނަކީ އިންޑިއާގެ ތަނެއް ކަމަށާއި، އެތަނުގެ ސަބަބުން ރާއްޖެއަށް އަތްގަދަވުމަށް އިންޑިއާއަށް ފުރުސަތު ލިބޭނެ ކަމަށް ބުނެ އެކި ވާހަކަތައް ދައްކަމުންދެއެވެ. އެމްއެންޑީއެފުން ވަނީ އެ ހުރިހާ ވާހަކައެއް ދޮގުކޮށްފައެވެ. އެތަނަކީ 100% ރާއްޖެ ސަރުކާރުގެ ތަނެއް ކަމަށް އެމްއެންޑީއެފުން ބުނެފައިވެއެވެ.

އެންމެ ފަހުން އަޕްޑޭޓް ކުރީ: 3 މަސް ކުރިން
ރިވިއު ކުރީ: އިމާދު ލަތީފް
0%
0%
0%
0%
0%
0%
ކޮމެންޓް