ރޯދަމަހު ވެމްކޯގެ ޚިދުމަތްދޭ ގަޑިތައް އާންމުކޮށްފި
ގޭބިސީތަކުން ކުނި ނެރުމަށް ހަމަޖެހިފައިވަނީ ކޮންމެ ދުވަހެއްގެ ރޭގަނޑު 22:00ން ފެށިގެން 23:00 އާހަމައަށް
ވެމްކޯގެ މުވައްޒަފުން ކުނި އުކާލުމަށް ތައްޔާރުވަނީ
ރަމަޟާންމަހު ވެމްކޯއިން ކުނި މެނޭޖްކުރުމުގެ މަސައްކަތް ކުރިއަށް ގެންދާނެ ގަޑިތައް އާއްމުކޮށްފިއެވެ.
ވެމްކޯއިން ރަމަޟާންމަހު ކުނިނެގުމުގެ ޚިދުމަތް ގޭބިސީތަކަށް ދޭ ގަޑިތަކާއި ވޭސްޓް ޓްރާންސްފަރ ސްޓޭޝަންތަކުން ޚިދުމަތްދޭ ގަޑިތައް ޢާއްމުކޮށް ވަނީ ޢިއުލާން ކޮށްފައެވެ. މާލެއާއި ވިލިމާލެއާއި ހުޅުމާލޭގައި ގޭބިސީތަކުން ކުނިނެރުމަށް ހަމަޖެހިފައިވަނީ ކޮންމެ ދުވަހެއްގެ ރޭގަނޑު 22:00 އިން ފެށިގެން 23:00 އަށެވެ. އައްޑޫ ސިޓީގެ ގުޅިފައިވާ ރަށްތަކުގެ ގޭބިސީތަކުން ކުނި ނެގުމަށް ހަމަޖެހިފައިވަނީ ކުނި ނެގުމަށް ހަމަޖެހިފައިވާ ދުވަސްތަކުގެ ހެނދުނު 7 އާއި މެންދުރުކުރި 11 ޖެހުމާ ހަމައަށެވެ. ހުޅުމީދޫގެ ގޭބިސީތަކުން ކުނިނަގަމުން ދާނީ ކަނޑައެޅިފައިވާ ދުވަހުގެ ހެނދުނު 9ން ހަވީރު 4 ޖެހުމާ ހަމައަށް ކަމަށް ވެމްކޯއިން ބުނެއެވެ.
ފުވައްމުލައް ސިޓީގެ ގޭބިސީތަކުން ކުނިނަގާނީ އެގޭބިސީއަކުން ކުނި ނެގުމަށް ހަމަޖެހިފައިވާ ދުވަހުގެ ހެނދުނު އަށަކުން މެންދުރުފަހު ދޭއް ޖެހުމާ ހަމައަށެވެ. މާލޭގައި ހޮނިހިރު ދުވަހުން ފެށިގެން ބުރާސްފަތި ދުވަހާއި ހަމައަށް ކޮންމެ ދުވަހެއްގެ ހެނދުނު 10ން ފެށިގެން ހަވީރު ފަހަކަށެވެ. އަދި ރޭގަނޑު 20:00ން ފެށިގެން މެންދަމު 3 ޖެހުމާ ހަމައަށް ވޭސްޓް ޓްރާންސްފަރ ސްޓޭޝަންތަކުގައި ޚިދުމަތް ދިނުމަށް ވަނީ ނިންމާފައެވެ. އަދި ހުކުރު ދުވަހު މި ސްޓޭޝަންތަކުން ޚިދުމަތް ދެމުން ގެންދާނީ މެންދުރުފަހު ދޭކުން ހަވީރު ފަހަކަށެވެ. އަދި ރޭގަނޑު 20:00ން މެންދަމު ތިނެއް ޖެހުމާ ހަމައަށެވެ.
ހުޅުމާލޭގައި ހޮނިހިރު ދުވަހުން ފެށިގެން ބުރާސްފަތި ދުވަހާއި ހަމައަށް ކޮންމެ ދުވަހެއްގެ ހެނދުނު 10ން ފެށިގެން ހަވީރު ފަހެއް ޖެހުމާ ހަމައަށް އަދި ރޭގަނޑު 20:00ން ފެށިގެން މެންދުރު އެކެއް ޖެހުމާ ހަމައަށް ވޭސްޓް ޓްރާންސްފަރ ސްޓޭޝަންގައި ޚިދުމަތް ދިނުމަށް ވަނީ ނިންމާފައެވެ. އަދި ހުކުރު ދުވަހު މި ސްޓޭޝަންތަކުން ހުޅުމާލޭގައި ޚިދުމަތް ދެމުން ގެންދާނީ މެންދުރުފަހު ދޭކުން ހަވީރު ފަހަކާ ހަމައަށެވެ. އަދި ރޭގަނޑު 20:00ން މެންދަމު ދޭއް ޖެހުމާ ހަމައަށެވެ. ވިލިމާލޭގައި ހޮނިހިރު ދުވަހުން ފެށިގެން ބުރާސްފަތި ދުވަހާއި ހަމައަށް ކޮންމެ ދުވަހެއްގެ ހެނދުނު 10ން ފެށިގެން ހަވީރު ފަހެއް ޖެހުމާ ހަމައަށް އަދި ރޭގަނޑު 20:00ން ފެށިގެން މެންދުރު ދޭއް ޖެހުމާހަމައަށް ވޭސްޓް ޓްރާންސްފަރ ސްޓޭޝަންތަކުގައި ޚިދުމަތް ދިނުމަށް ވަނީ ނިންމާފައެވެ. ހުކުރު ދުވަހު ހުޅުމާލޭގައި މި ސްޓޭޝަނުގައި ޚިދުމަތް ދެމުން ގެންދާނީ 1400ން ހަވީރު ފަހެއް ޖެހުމާ ހަމައަށެވެ. އަދި ރޭގަނޑު 20:00ން މެންދަމު ދޭއް ޖެހުމާ ހަމައަށެވެ.
ތިލަފުށީގައި ކުނި ނައްތާލުމަށް މަސައްކަތް ކުރާނީ ރަމަޟާންމަހުގެ ހޮނިހިރުދުވަހުން ފެށިގެން ބުރާސްފަތި ދުވަހާއި ހަމައަށް ކޮންމެ ދުވަހެއްގެ ހެނދުނު 0930ން ފެށިގެން 1545 އަށެވެ. އަދި ރޭގަނޑު 2100ން ފެށިގެން މެންދަމު ތިނެއް ޖެހުމާ ހަމައަށެވެ. ހުކުރުދުވަހު ތިލަފުށީގައި މި މަސައްކަތް ކުރިއަށް ގެންދާނީ 1400ން ހަވީރު ފަހެއް ޖެހުމާ ހަމައަށެވެ. އަދި ރޭގަނޑު 21:00ން މެންދަމު ތިނެއް ޖެހުމާ ހަމައަށެވެ.
ވެމްކޯއިން ވެސް ރަމަޟާންމަހުގެ ރަސްމީގަޑީގައި އޮފީހުން ބޭނުންވާ ޚިދުމަތްތައް ދިނުމަށް ނިންމާފައިވާއިރު ކޯލް ސެންޓަރުގެ ޚިދުމަތް ވެސް ކުނިނެގުމަށް ޚާއްސަކުރެވިފައިވާ ގަޑިތަކުގައި ދެމުން ގެންދާނެ ކަމަށް ވެމްކޯއިން ބުނެއެވެ.
