މޫސުމަށް ސަމާލުވުމަށް އިލްތިމާސްކޮށްފި
3 އެޕްރީލު 2021 | ހޮނިހިރު 06:22ކެރީގެ އަސަރު ފޯރުމާއެކު ގުގުރުން އެކަށީގެންވޭ
މޫސުން ގޯސް ދުވަހެއްގައި ދޯންޏެއް ދުއްވާފައި ދަނީ،
ކުރިއަށް އޮތް 24 ގަޑިއިރު މޫސުން ގޯސްވާނެ ކަމަށް ލަފާކޮށް، ދެކުނާއި މެދުރާއްޖޭގައި ކަނޑުދަތުރުކުރާ ފަރާތްތަކުން ސަމާލުވުމަށް އިލްތިމާސްކޮށްފިއެވެ.
މޫސުމާ ބެހޭ ގައުމީ އިދާރާއިން ބުނީ ހޮނިހިރު ދުވަހުގެ ހެނދުނު 10:00ން އަދިއްތަ ދުވަހުގެ ހެނދުނު 10:00ށް ރާއްޖޭގެ އެކިހިސާބަަށް ކެރީގެ އަސަރު ފޯރުމާއެކު ގުގުރުން އެކަށީގެންވާ ކަމަށެވެ.
ހުޅަނގާއި ހުޅަނގުއުތުރުން، އެންމެ ދެކުނުގެ އަތޮޅުތަކަށް ގަޑިއަކު 15 މޭލާއި 25 މޭލާ ދެމެދު ބާރުމިނުގައި ވައިޖެހޭނެ ކަމަށާއި، އެެހެން ހިސާބުތަކަަށް ގަޑިއަކު 8 މޭލާއި 18 މޭލާ ދެމެދުގެ ބާރުމިނުގައި ވައިޖެހޭނެ ކަމަށެވެ.
މުސޫމާ ބެހޭ ގައުމީ އިދާރާއިން ބުނީ އެންމެ ދެކުނުގެ އަތޮޅުތަކުގެ ކަނޑުތައް ގަދަވާނެ ކަމަށާއި، އެހެން ހިސާބުތަކުގެ ކަނޑުތައް އާދައިގެ ވަރަކަށް ގަދަވާނެ ކަމަށެވެ.
މީގެ އިތުރުން މޫސުމާ ބެހޭ ގައުމީ އިދާރާއިން ބުނީ ދެކުނުގެ ކަނޑުތަކުގައި ރާޅުގެ އުސްމިނުގައި 5 ނުވަތަ 7 ފޫޓު، އެހެން ހިސާބުތަކުގައި 3 ނުވަތަ 5 ފޫޓު ހުންނާނެ ކަމަށެވެ. ދިޔަވަރު ބޮޑުވާގަޑީގައި ބައެއް ރަށްރަށަށް އުދައިގެ އަސަރުކުރުމަކީ އެކަށީގެންވާކަމެއް ކަމެއް ކަަމަށް ވެސް މޫސުން ބެހޭ ގައުމީ އިދާރާއިން ބުނެއެވެ.
