މަހާރާޝްތުރަ ސްޓޭޓުން އެކަނި 40،000ށް ވުރެ ގިނަ މީހުން އެއްދުވަހުގެ ތެރޭގައި ޕޮޒިޓިވްވެއްޖެ
29 މާރިޗު 2021 | ހޯމަ 02:01މަހާރާޝްތުރަ ސިޓީއަކީ ވިޔަފާރީގެ ބޭނުމަށް އާންމުން ގިނަ އަދަދަކަށް ހަރަކާތްތެރިވާ ސިޓީއެއް
އިންޑިއާގައި ކޮވިޑް-19ގެ ރޭންޑަމް ސާމްޕަލިންގ ނަގަމުން ދަނިކޮށް
މަހާރާޝްތުރަ ސްޓޭޓުން އެކަނިވެސް 40،414 މީހުން އެއް ދުވަހުގެ ތެރޭގައި ކޮވިޑް-19ށް ޕޮޒިޓިވްވެއްޖެއެވެ.
އިންޑިއާގެ ސިއްހަތާ ބެހޭ ވުޒާރާއިން ހާމަކުރި ތަފާސް ހިސާބުތައް ދައްކާ ގޮތުން އާދީއްތަ ދުވަހު އެކަނިވެސް އެގައުމުގެ މަހާރާޝްތުރަ ސްޓޭޓުން 40،414 މީހުން ކޮވިޑަށް ޕޮޒިޓިވްވެފައިވާއިރު، މިއީ މިދިޔަ އަހަރުގެ މާރޗް މަހުގެ ފަހުން އެގައުމުގެ ސްޓޭޓަކުން އެއް ދުވަހުގެ ތެރޭގައި އެންމެ ގިނަ މީހުން ޕޮޒިޓިވްވި ފުރަތަމަ ފަހަރެވެ.
އިންޑިއާގެ ކެޕިޓަލް ސިޓީ މުމްބާއީގެ މަހާރާޝްތުރަ ސިޓީއަކީ ވިޔަފާރީގެ ބޭނުމަށް އާންމުން ގިނަ އަދަދަކަށް ހަރަކާތްތެރިވާ ސިޓީއެކެވެ.
އެ ސްޓޭޓުން ކޮވިޑްގެ ކޭސްތައް އިތުރުވުމާއެކު މިހާރު ވަނީ ރައްކާތެރި ކަމުގެ ފިޔަވަޅުތައް ވަރުގަދަ ކޮށްފައެވެ. އެގޮތުން ރޭގަނޑު ގަޑީގައި ކާފިއު ހިންގުމާއި، ކެފޭ ރެސްޓޯރެންޓުން ޑައިންއިން ކުރުން މަނާ ކުރުމާއި، ނައިޓް ކަލަބްތައް ބަންދުކުރުން ހިމެނެއެވެ.
މަހާރާޝްތުރަ ސްޓޭޓްގެ އޮފިޝަލަކު ވިދާޅުވީ، ކުރިއަށް އޮތްތަނުގައި މިހާރު އަޅާފައިވާ ފިޔަވަޅުތައް ވަރުގަދަ ކުރުން އެކަށީގެންވާ ކަމަށެވެ. އަދި ކޮވިޑްގެ ކޭސްތައް ކޮންޓްރޯލުން ނުކުރެވިއްޖެ ނަމަ އެ ސްޓޭޓް ލޮކްޑައުން ކުރުން އެކަށީގެންވާ ކަމަށެވެ.
މަހާރާޝްތުރަ ސްޓޭޓުން ރެކޯޑު އަދަދަކަށް ކޮވިޑަށް އާދީއްތަ ދުވަހު މީހުން ޕޮޒިޓިވްވެފައިވާއިރު، އެ ސްޓޭޓުން ކޮވިޑްގެ އައު ވޭރިއަންޓެއް ވެސް ފެނިފައިވާ ކަމަށް ރިޕޯޓްކޮށްފައިވެއެވެ. އެހެންނަމަވެސް މި އައު ވޭރިއަންޓަކީ ކުރިން އެ ސްޓޭޓުން ފެނުނު ދެ ވޭރިއަންޓާ އަޅާބަލާއިއެރު އެހާ ނުރައްކާތެރި ވޭރިއަންޓެއް ނޫން ކަމަށް އިންޑިއާގެ ސިއްހަތާ ބެހޭ ވުޒާރާއިން ވަނީ ބުނެފައެވެ.
