ކަރަންޓީނާ ނުލާ ކެމްޕޭން ކުރެވޭނެހެން އެޗްޕީއޭއިން ނެރުނު އުސޫލަށް އިސްލާހު ގެނެސްފި
ލޯކަލް ކައުންސިލް އިންތިހާބުގައި ވާދަކުރާ ކެނޑިޑޭޓުން ތާއީދު ހޯދުމާއި، ކެމްޕެއިން ހަރަކާތްތައް ކުރިޔަށް ގެންދިޔުމަށް، އެއް ރަށުން އަނެއް ރަށަށް ދަތުރު ކުރާނެ ގޮތްވެސް ބަޔާންކޮށްފައިވޭ
ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް ކެމްޕެއިން ދަތުރެއްގައި އުޅުއްވަނިކޮށް
ކަންޓީނާ ނުލާ ކެމްޕޭން ކުރެވޭ ގޮތަށް ލޯކަލް ކައުންސިލާގުޅޭ ގޮތުން ހެލްތު ޕްރޮޓެކްޝަން އެޖެންސީ (އެޗްޕީއޭ)ން ނެރުނު އުސޫލަށް އިސްލާހު ގެނެސްފިއެވެ.
ހެލްތު ޕްރޮޓެކްޝަން އެޖެންސީން ބުނީ ލޯކަލް ކައުންސިލް އިންތިހާބުގައި ވާދަކުރާ ކެނޑިޑޭޓުން ތާއީދު ހޯދުމާއި، ކެމްޕެއިން ހަރަކާތްތައް ކުރިޔަށް ގެންދިޔުމަށް، އެއް ރަށުން އަނެއް ރަށަށް ދަތުރު ކުރަންވާނީ، އެޗްޕީއޭއިން އާންމުކުރާ ހާއްސަ ގައިޑްލައިނާ އެއްގޮތްވާ ގޮތުގެމަތީން ކަމަށެވެ.
އެޗްޕީއޭއިން ވަނީ އެ އިދާރާއިން ނެރޭ ހާއްސަ ގައިޑްލައިންގެ ދަށުން ދަތުރުކުރާ އެއްވެސް ކެނޑިޑޭޓަކު ނުވަތަ ފަރާތަކުން ގައިޑްލައިނުގައިވާ އުސޫލުތަކާއި ހިލާފަށް އަމަލުކޮށްފިނަމަ، ދެން އެ ކެނޑިޑޭޓަކު ނުވަތަ ފަރާތަކަށް ތާއީދު ހޯދުމަށް އެއްރަށުން އަނެއް ރަށަށް ދަތުރުކުރެވޭނީ ކޮވިޑް-19 ފެތުރުން ކޮންޓްރޯލް ކުރުމަށް، އެއް ތަނުން އަނެއް ތަނަށް ދަތުރުކުރުމުގައި ކަރަންޓީނު ކުރުމާއި، ކަރަންޓީނު ކުރުމުގައި އަމަލުކުރާންޖެހޭ އުސޫލާ އެއްގޮތްވާ ގޮތުގެ މަތީން ކަމަށެވެ.
