އަސްކަރީ ތަމްރީނުތަކެއް އަންނަ އާދިއްތަ ދުވަހު ހުޅުލޭގައި!
12 ފެބުރުއަރީ 2021 | ހުކުރު 08:19ހުޅުލޭގެ އިރުން 07 މޭލު ބޭރުގައި ބަޑިޖެހުމަށް ހަމަޖެހިފައިވޭ
އެމްއެންޑީއެފުން ކުރިއަށް ގެންދިޔަ ޚާއްސަ ތަމްރީނެއްގެ ތެރެއިން
މޯލްޑިވްސް ނޭޝަނަލް ޑިފެންސް ފޯސް (އެމްއެންޑީއެފް)ގެ ޚާއްސަ އަސްކަރީ ތަމްރީނުތަކެއް އަންނަ އާދިއްތަ ދުވަހު ހުޅުލޭގައި ކުރިއަށްދާނެ ކަމަށް ޑިފެންސް މިނިސްޓްރީން ބުނެފިއެވެ.
ޑިފެންސް މިނިސްޓްރީން ބުނީ އެމްއެންޑީއެފުން ކުރިއަށް ގެންދާ ޚާއްސަ ތަމްރީނުތަކެއް މިމަހުގެ 14ން 17ށް ކޮންމެ ދުވަހެއްގެ 06:00ން 18:00ށް ހުޅުލޭގެ އިރުމަތީ ފަރާތުން 07 ނޯޓިކަލް މޭލު ބޭރުގައި ބޭއްވުމަށް ނިންމާފައިވާ ކަމަށެވެ.
މި ތަމްރީނުތަކުގައި ހުޅުލޭގެ އިރުން 07 މޭލު ބޭރުގައި ބަޑިޖެހުމަށް ހަމަޖެހިފައިވާ ކަމަށް ޑިފެންސް މިނިސްޓްރީން ބުނެއެވެ.
މިތަމްރީންތަކާބެހޭ ގޮތުން ޑިފެންސް މިނިސްޓްރީން ބުނީ ހަތިޔާރުގެ ގޮތުގައި ބޭނުންކުރާނީ މެޝިން ގަން ފަޔަރިންގ ކަމަށެވެ. ވައިގެ ސަރަޙައްދު ބޭނުންކުރާނެ އެންމެ ދުރުމިނަކީ 5000 މީޓަރ ކަމަށާއި، ވައިގެ ސަރަޙައްދު ބޭނުންކުރާނެ އެންމެ އުސްމިނަކީ 100 މީޓަރ ކަމަށެވެ.
އޭގެ އިތުރުން، ވައިގެ ސަރަޙައްދު ބޭނުން ކުރާނެ އެންމެ ތިރިމިނަކީ ސީ ލެވެލް ކަމަށާއި، ވައިގެ ސަރަހައްދު ބޭނުން ކުރާނެ މިސްރާބަކީ ހުޅުލޭ އިރުން 07 މޭލު ބޭރު ކަމަށް ޑިފެންސް މިނިސްޓްރީން މައުލޫމާތުދެއެވެ.
އެމްއެންޑީއެފުން ސިލްސިލާކޮށް އެކި ބާވަތުގެ އަސްކަރީ ތަމްރީނުތައް ހިންގަމުން ދާއިރު ރާއްޖޭގެ އެކި ސަރަޙައްދުތަކުގައި ބޭރުގެ ގައުމުތަކާ ގުޅިގެން ވެސް ޚާއްސަ ތަމްރީންތައް ބާއްވަމުންދެއެވެ.
