ދިވެހިރާއްޖޭގެ އިސްލާމީ ޔުނިވަރސިޓީ (އައިޔޫއެމް)ގައި ފެށުމަށް ހަމަޖެހިފައިވާ ލޯފަން ކުދިންނަށް ޚާއްސަ, ޤުރުއާން ހިތުދަސްކޮށްދޭ ކްލާހަށް ކުރިމަތިލުމުގެ ފުރުސަތު ހުޅުވާލައިފިއެވެ.

އައިޔޫއެމްއިން ބުނީ ލޯފަން ކުދިންނަށް ޚާއްސަ ޤުރްއާން ހިތުދަސްކޮށްދޭ ޕްރޮގްރާމް ހިންގުމަށް ހަމަޖެހިފައިވަނީ ކުއްލިއްޔާ އޮފް ޤުރްއާން އެންޑް ސުންނާ ގައި ކަމަށެވެ. ހިލޭ ކުރިއަށް ގެންދާ މިޕްރޮގްރާމުގައި 30 ދަރިވަރުންނަށް ޖާގަ ލިބޭނެ ކަމަށް އައިޔޫއެމްއިން ބުނެއެވެ. އަދި އައިޔޫއެމްއިން ބުނީ ކިޔަވައިދިނުމަށް ހަމަޖެހިފައިވަނީ ހެނދުނުގެ ދަންފަޅީގައި ކަމަށެވެ.

އައިޔޫއެމްއިން ބުނީ ކޯހަށް ވަނުމަށް އެދޭ ފަރާތްތަކުން ކޯހަށް ވަނުމަށް އެދޭ ފޯރމާއެކު އައިޑީކާޑުގެ ކޮޕީ އަދި ޕާސްޕޯޓު ސައިޒުގެ ފޮޓޯއެއް ހުށަހަޅަން ޖެހޭ ކަމަށެވެ.

އައިޔޫއެމްއިން ބުނީ މި ޕްރޮގްރާމަށް ވަންނަން އެދޭ ފަރާތްތަކުން، ކޯހަށް ވަނުމަށް އެދޭފޯމު ފުރިހަމަ ކުރުމަށްފަހު ފޯމާއެކު ހުށަހަޅަންޖެހޭ ތަކެތި، 4 ފެބްރުވަރީ 2021 ވަނަ ދުވަހުގެ 13:00 ގެ ކުރިން ޔުނިވަރސިޓީގެ ރިސެޕްޝަނަށް ހުށަހެޅުމަށް އެދޭ ކަމަށެވެ. އަދި ފޯމު ދޫކުރުމާއި ބަލައިގަތުން ހަމަޖެހިފައިވަނީ ބަންދުނޫން ކޮންމެ ދުވަހަކު ކަމަށް އައިޔޫއެމްއިން ބުނެއެވެ.

މީގެ އިތުރުން އައިޔޫއެމްއިން ބުނީ އީ-މެއިލް ކުރާނަމަ، [email protected] އަށް މެއިލްކުރެވޭނެ ކަމަށާއި، އޮންލައިންކޮށް ފޯމު ހުށަހަޅާނަމަ (ium.to/hifzapply) މިލިންކު މެދުވެރިކޮށް ފޯމު ހުށަހެޅޭނެ ކަމަށެވެ.

މި ޕްރޮގްރާމާބެހޭ މައުލޫމާތާއި ކޯހުގައި ބައިވެރިވުމަށް އެދޭ ފޯމު ޔުނިވަރސިޓީގެ ރިސެޕްޝަނުންނާއި ޔުނިވަރސިޓީގެ ވެބްސައިޓް www.ium.edu.mv އިން ލިބެން ހުންނާނެއެވެ. އިތުރު މަޢުލޫމާތު 3022124، 3022125 އަދި 7923247 ނަންބަރާ ގުޅުމަށް ވެސް ޔުނިވަރސިޓީން އެދިފައިވެއެވެ.