މަސްވެރިކަމުގެ ސިނާއަތުގެ ގިނަ މައްސަލަތަކަށް އަންނަ އަހަރުގެ ތެރޭގައި ހައްލު ލިބޭނެ: މިނިސްޓަރު ޒަހާ
23 ޑިސެމްބަރު 2020 | ބުދަ 17:51މިސާރުކާރުން މަސްވެރިންގެ ކަންބޮޑުންތަކަށް ހައްލު ހޯދައިދޭނެ
ފިޝަރީޒް މިނިސްޓަރު ޒަހާ ވަހީދު، މަސްވެރިންގެ ކަންބޮޑުވުންތައް އަބަދުވެސް ހައްލު ހޯދައިދިނުމަށް މަސައްކަތް ކުރަމުންދާ ކަމަށް މިނިސްޓަރު ވިދާޅުވެފައިވޭ
މަސްވެރިންނަށް މަންފާ ކުރާނެ ގޮތަށް މައްސަލަތައް ހައްލު ކުރުމުގެ މަސައްކަތްތައް ކުރަމުންދާ ކަމަށާއި، އަންނަ އަހަރުގެ ތެރޭގައި ގިނަ މައްސަލަތަކަށް ހައްލު ލިބޭނެ ކަމަށް ފިޝަރީޒް މިނިސްޓަރު ޒަހާ ވަހީދު ވިދާޅުވެއްޖެއެވެ.
ރާއްޖެޓީވީގެ ފަލަސުރުހީ ޕްރޮގްރާމްގައި މިނިސްޓަރު ޒަހާ ވިދާޅުވީ މަސްވެރިކަމުގެ ސިނާއަތުގައި ހުރި ވަރަށް ގިނަ މައްސަލަތައް ހައްލު ކުރުމުގެ މަސައްކަތްތައް ކުރަމުންދާ ކަމަށާއި، މިސާރުކާރުން މަސްވެރިންގެ ކަންބޮޑުންތަކަށް ހައްލު ހޯދައިދޭނެ ކަމަށެވެ.
މިނިސްޓަރު ޒަހާ ވިދާޅުވީ ޒަމާނުއްސުރެ މަސްވެރިކަމުގެ ސިނާއަތުގައި ގިނަ މައްސަލަތައް ހުރި ކަމަށާއި، މައްސަލަތައް ހައްލު ކުރުމުގައި ވަގުތު ނަގާނެ ކަމަށެވެ. އަދި މިހާރު ވެސް ގިނަ މައްސަލަތައް ހައްލުކުރެވިފައިވާކަން މިނިސްޓަރު ފާހަގަކުރެއްވިއެވެ.
އެގޮތުން މަސްވެރިކަމުގެ ސިނާއަތަށް ވަނުމުގެ ފުރުސަތު ހުޅުވާލެވި، ވާދަވެރި ބާޒާރަކަށް ވަނުމުގެ މަގުކޮށްށާ ދެވިފައިވާ ކަމަށް މިނިސްޓަރު ޒަހާ ވިދާޅުވިއެވެ.
ފެލިވަރަށް އިޝާރާތް ކުރައްވައި މިނިސްޓަރު ޒަހާ ވިދާޅުވި ވިދާޅުވީ މަސްވެރިންގެ އަތުން މަސްގަތުމަށްފަހު ރައްކާކުރާނެ ކެޕޭސިޓީ ނެތް ކަމަށެވެ.
ނަމަވެސް އަންނަ އަހަރުގެ ތެރޭގައި މަސްވެރިކަމުގެ ސިނާއަތުގެ ގިނަ މަޝްރޫއުތަށް ކުރިއަށް ގެންދިއުމަށް ބޭނުންވާ ފައިސާ ހަމަޖެހުމާއެކު މަސައްކަތްތަށް ފެށި މިހާރު ދިމާވަމުންދާ މައްސަލަތަކަށް ހައްލު ލިބޭނެ ކަމަށެވެ. އަދި މަސް ސްޓޯރޭޖް ކުރުމަށް ބޭނުންވާ ވަރަށް ކެޕޭސިޓީ ވެސް އިތުރުވެގެންދާނެކަން މިނިސްޓަރު ފާހަގަކުރެއްވިއެވެ.
މަސްވެރިންގެ ކަންބޮޑުވުންތަކަށް ހައްލު ލިބޭނެކަމުގެ ޔަގީންކަން މިނިސްޓަރު ދެއްވިއިރު އަންގާރަ ދުވަހު މަސްވެރިންތަކެއް ވަނީ މައިގަނޑު 4 ކަމަކަށް ޑިމާންޑް ކޮށް ފެލިވަރުގައި އިހުތިޖާޖު ކޮށްފައެވެ. އޭގެ ތެރޭގައި މަހުގެ ހަމަ އަގު 20 ރުފިޔާއަށްވުރެ ދަށް ނުވާނެހެން ދެމެހެއްޓުމާއި، ފެލިވަރުން ލުއި ފަސޭހަ ގޮތެއްގައި މަސްވެރިންނަށް އައިސް ލިބޭނެ އިންތިޒާމުތައް ހަމަޖެއްސުން ހިމެނެއެވެ.
އޭގެ އިތުރުން، އެތައް އަހަރެއް ވޭތުވެގެން ދިޔައިރުވެސް، ފެލިވަރަށް ޒަމާނާ އެކަށީގެންވާ ރަނގަޅު ތަރައްޤީ އައިސްފައި ނުވުމަކީވެސް މަސްވެރިން މިއަދު ކުރާ ޝަކުވާއެކެވެ.
