ބަންގްލަދޭޝްގެ އިތުރު 200 މީހުން އަނބުރާ ގައުމަށް ފޮނުވާލައިފި
އެމީހުން ފޮނުވާލާފައި ވަނީ އެގައުމުގެ ވެރި ރަށް ޑާކާ އަށް
ބަންގްލަދޭޝްގެ ރައްޔިތުން އަނބުރާ ގައުމަށް ދަނީ
ބަންގްލަދޭޝްގެ އިތުރު 200 މީހަކު އަނބުރާ ގައުމަށް ފޮނުވާލައިފިއެވެ.
ދިވެހިރާއްޖޭގެ ގައުމީ އެއަރލައިން މޯލްޑިވިއަން އިން ބުރާސްފަތި ދުވަހު ބުނީ މޯލްޑިވިއަންގެ ފްލައިޓެއްގައި ރާއްޖޭގައި ދިރިއުޅެމުންދާ ބިދޭސީންގެ ތެރެއިން ބަންގްލަދޭޝްގެ އިތުރު 200 މީހަކު އަނބުރާ ގައުމަށް ފޮނުވާލާފައިވާ ކަމަށެވެ. އެމީހުން ފޮނުވާލާފައި ވަނީ އެގައުމުގެ ވެރިރަށް ޑާކާ އަށެވެ.
މީގެ ކުރިން އިކޮނޮމިކް މިނިސްޓަރ ފައްޔާޒު އިސްމާއީލް ވިދާޅުވެފައިވަނީ އެ މިނިސްޓްރީގެ އަމާޒަކީ މި އަހަރުގެ ތެރޭގައި 20،000 އެއްހާ ބިދޭސީން އެ މީހުންގެ ރުހުމުގައި އަނބުރާ ގައުމަށް ފޮނުވާލުން ކަމަށެވެ.
ކޮވިޑް-19 އާ ގުޅިގެން ރާއްޖޭގައި ގަވާއިދާ ހިލާފަށް ދިރިއުޅެމުންދާ ބިދޭސީން ގަވާއިދުގެ ތެރެއަށް ވައްދާ އޭގެ ތެރެއިން އަނބުރާ ގައުމަށް ދާން ބޭނުންވާ ފަރާތް ތަކަށް އެ ފުރުސަތު ސަރުކާރުން ދެމުން އަންނަ އިރު މީގެ ތެރޭގައި ގިނަ އަދަދަކަށް ހިމެނެނީ ބަންގްލަދޭޝް ގެ ރައްޔިތުންނެވެ.
ބަންގްލަދޭޝްގެ ހައި ކޮމިޝަނާއި ގައުމީ އެއާލައިން މޯލްޑިވިއަން އަދި އިކޮނިމިކް މިނިސްޓްރީ އާއި ފޮރިން މިނިސްޓްރީ ގުޅިގެން ދަނީ ޤަވާއިދާ ހިލާފަށް އުޅެމުން އަންނަ ބިދޭސީން ގައުމަށް ފޮނުވާލުމުގެ މަސައްކަތް ކުރަމުންނެވެ.
