މަޖިލީހުގައި އިންނަވަނިކޮށް ހާލުކޮޅު ގޯސްވެ، އެމްޕީ ޝިޔާމް ހޮސްޕިޓަލަށް
27 އޮކްޓޯބަރު 2020 | އަންގާރަ 05:17އޭނާ އަށް ފަރުވާދެމުންދަނީ އޭޑީކޭ ހޮސްޕިޓަލުގައި
ޝިޔާމްގެ ހާލުކޮޅު ގޯސްވެފައިވަނީ އޭނާ މަޖިލީހުގައި އިންނަވަނިކޮށް
ނައިފަރު ދާއިރާގެ މެމްބަރު އަހުމަދު ޝިޔާމަށް ހޮސްޕިޓަލުގައި ފަރުވާ ދެމުންދާ ކަމުގެ މައުލޫމާތު ލިބިއްޖެއެވެ.
"ރާއްޖެއެމްވީ" އަށް މައުލޫމާތު ލިބިފައިވާގޮތުގައި ޝިޔާމް މަޖިލީހުގެ ތަޅުމަށްވެސް ވަޑައިގެންނެވި އެވެ. ނަމަވެސް ޝިޔާމްގެ ހާލުކޮޅު ގޯސްވެފައިވަނީ އޭނާ މަޖިލީހުގެ ތަޅުމުން ނުކުމެވަޑައިގެން ގޯތިތެރޭގައި ހުންނަވަނިކޮށެ އެވެ. އޭނާ އަށް ފަރުވާދެމުންދަނީ އޭޑީކޭ ހޮސްޕިޓަލުގައެވެ.
ޝިޔާމްގެ ހާލުކޮޅު ގޯސްވެ، ހޮސްޕިޓަލަށް ގެންދިއުމަށްޓަކައި މަޖިލީހުގެ ތިން މެންބަރަކު ޝިޔާމް މަޖިލީހުން ނެރޭ މަންޒަރު ފެންނަ ފޮޓޯތަކެއް ވަނީ އާއްމުވެފައެވެ.
އޭނާ ނިސްބަތްވާ ޕީޕީއެމް އިން ބުނީ ޝިޔާމަށް ދިމާވި މައްސަލައިގެ ތަފްސީލް އަދި ނުލިބޭ ކަމަށާއި މިހާރު ހަދަން ޖެހޭ ޓެސްޓުތައް ހަދަމުން ދާ ކަމަށެވެ.
