ވެންޓިލޭޓަރު މައްސަލަ: އަމީން ހިމެނޭ ގޮތަށް 11 މީހެއްގެ މައްޗަށް ދައުވާކޮށްދިނުމަށް އެދިފައި!
އޭސީސީން ޚުލާޞާ ރިޕޯޓެއް އެކުލަވާލައި 21 މޭ 2020 ގައި ރިޕޯޓު އާންމުކޮށްފައިވޭ
ވެންޓިލޭޓަރު ގަތުމުގައި ކޮރަޕްޝަން އެކުލެވޭ މައްސަލައިގައި މިނިސްޓަރ އަމީންގެ އިތުރުން މިނިސްޓްރީގެ އިސް ވެރިންގެ މައްޗަށް ތުހުމަތު ކުރެވޭ
ވެންޓިލޭޓަރުތައް ގަތުމުގައި ބޮޑެތި އޮޅުވާލުންތަކެއް ހިންގާފައިވާ ކަމަށް ތުހުމަތު ކުރެވޭ މައްސަލައިގެ ތަހުޤީޤު ނިންމައި ދައުވާކޮށްދިނުން އެދި އެންޓި ކޮރަޕްޝަން ކޮމިޝަން (އޭސީސީން) ފޮނުވި ލިސްޓުގައި ހިމެނެނީ ހެލްތް މިނިސްޓަރ އަބްދުﷲ އަމީންއާއި، އިތުރު 10 މީހެއް ކަމަށް އޭސީސީން ބުނެފިއެވެ.
އެކަމާ ގުޅޭގޮތުން ބުދަ ދުވަހު އޭސީސީން ނެރުނު ބަޔާނެއްގައި ބުނީ، މި މައްސަލައިގައި ދައުވާ ކޮށްދިނުން އެދި ފޮނުވާފައިވަނީ ހެލްތް މިނިސްޓަރ އަބްދުﷲ އަމީނުގެ އިތުރުން، މައްސަލައިގައި ހިމެނޭ އިތުރު 10 މީހެއްގެ މައްޗަށް ކަމަށެވެ.
ދައުވާ ކޮށްދިނުން އެދި ފޮނުވާފައިވާ ލިސްޓް:
އޭސީސީން މި މައްސަލައިގައި ދައުވާކުރަން ޕްރޮސެކިއުޓަރ ޖެނެރަލް (ޕީޖީ) އޮފީހަށް ފޮނުވާފައިވަނީ ބުދަ ދުވަހުގެ ވަގުތެއްގައެވެ. އެގޮތުން މި މައްސަލައިގައި ހޯމަ ދުވަހުގެ ނިޔަލަށް ދައުވާ ކުރުމާމެދު ގޮތެއް ނިންމުމަށް މަސައްކަތް ކުރަމުންދާކަމަށް ޕީޖީ އޮފީހުން މައުލޫމާތުދެއެވެ.
