އޭލެވެލް ހަދާ ސެންޓަރު ހުންނަ ރަށަށް ދާން އެދިއްޖެ
20 ސެޕްޓެމްބަރު 2020 | އާދީއްތަ 11:29މި ހިނގާ ސެޕްޓެންބަރު 27 ވާ އާދީއްތަ ދުވަހުގެ ކުރިން ދިއުމަށް އިލްތިމާސްކޮށްފައިވޭ
ސީއެޗްއެސްއީގެ ދަރިވަރުން؛ އޭލެވެލް އިމްތިހާނު އޮންނަ ސެންޓަރު ހުންނަ ރަށަކަށް ދިއުމަށް ޑީޕީއީން ވަނީ އަންގާފައި
މި އަހަރުގެ އޮކްޓޯބަރ/ނޮވެމްބަރު މަހު ބާއްވާ އޭލެވެލް އިމްތިހާނު ހަދާ ސެންޓަރު ހުރި ރަށަކަށް ދިއުމަށް އެދިއްޖެއެވެ.
ޑިޕާޓްމަންޓް އޮފް ޕަބްލިކް އެގްޒަމިނޭޝަން (ޑީޕިއީ) އިން ބުނީ ކޮވިޑް-19 އާއި ގުޅިގެން އިމްތިޙާނު ހަދާ ސެންޓަރު ހުރި ރަށް ނޫން އެހެން ރަށް ރަށުގައި ތިބި ދަރިވަރުން، މި އަހަރުގެ އޮކްޓޯބަރ/ނޮވެމްބަރ މަހުގައި ބޭއްވުމަށް ހަމަޖެހިފައިވާ އައިއޭއެޓް އެޑެކްސެލް އޭލެވެލް އިމްތިޙާނު ހެދުމަށްޓަކައި، އެ ކެންޑިޑޭޓަކު އިމްތިޙާނު ހަދާ ސެންޓަރ ހުރި ރަށަށް މި ހިނގާ ސެޕްޓެންބަރު 27 ވާ އާދީއްތަ ދުވަހުގެ ކުރިން ދިއުމަށް އިލްތިމާސް ކުރާ ކަމަށެވެ.
ޑީޕީއީން މިގޮތަށް އަންގާފައިވާ އިރު، ސްކޫލްތައް ބަންދުކޮށް އޮންލައިންކޮށް ކިޔަވައިދޭން ފެށުމާއި ގުޅިގެން ގިނަ ދަރިވަރުން ވަނީ ރަށަށް ގޮސްފައެވެ. ކުރިއަށް ދެ ހަފްތާ ވެސް އޮންލައިންކޮށް ކިޔަވައި ދިނުމަށް އެޑިއުކޭޝަން މިނިސްޓްރީން ވަނީ ނިންމާފައެވެ.
މާލޭގައި ކޮވިޑް-19 ގެ ފުރަތަމަ ކޭސް ފެނި ކޮމިއުނިޓީ ސްޕްރެޑެއް ފެތުރެން ފެށުމާއިއެކު މާލެ ސަރަހައްދުގެ ސްކޫލްތަކުގެ ކިޔެވުން މިދިޔަ މާޗް މަހުގައި ވަނީ ބަންދުކޮށްފައެވެ. އަދި އޭގެ ފަހުން އޮންލައިންކޮށްނާއި ޓެލިކިލާސްތައް ކުރިއަށް ގެންގޮސްފައެވެ. އަދި ފަހުން ގްރޭޑް ނުވައަކުން މަތީގެ ދަރިވަރުންނަށް ސްކޫލްތަކަށް ގޮސް ކިޔަވައި ދިނުމަށް ނިންމާ އެޗްޕީއޭގެ ގައިޑްލައިންތަކާއި އެއްގޮތަށް ކިޔެވުން ކުރިއަށް ގެންދިއުމަށް ނިންމިއެވެ.
