ޗައިނާގެ ވެކްސިން ނޮވެމްބަރު މަހު ބޭނުން ކުރަން ފެށޭނެ: ޗައިނާ ސީޑީސީ

ކޮވިޑް-19 އަށް ޗައިނާއިން ތައްޔާރު ކުރަމުންދާ ވެކްސިން، ނޮވެމްބަރު މަހު ބޭނުން ކުރަން ފެށޭނެ ކަމަށް ޗައިނާގެ ސެންޓަރ ފޮރ ޑިޒީސް ކޮންޓްރޯލް އެންޑް ޕްރިވެންޝަން (ސީޑީސީ) އިން ބުނެފިއެވެ.

ޗައިނާގެ ނޫސްތަކަށް އެސެންޓަރުގެ އޮފިޝަލެއް ކަމަށްވާ ގުއިޝެން ވޫ މައުލޫމާތު ދީފައިވާ ގޮތުގައި ވެކްސިން ޓްރަޔަލްތަކުގެ ތިންވަނަ ދަނީ ވަރަށް ރަނގަޅަށެވެ. އަދި ނޮވެމްބަރު މަހުގެ ކުރީ ކޮޅު ނުވަތަ ޑިސެމްބަރު މަހު އާންމުންނަށް ވެކްސިން ބޭނުންކުރަން ފެށޭނެ ކަމަށް ލަފާކުރެވޭ ކަމަށް އޭނާ ވަނީ ވިދާޅުވެފައެވެ.

ވޫ ވަނީ ޗައިނާއިން ތައްޔާރުކުރަމުންދާ ވެކްސިންތަކުގެ ތެރެއިން އެއް ވެކްސިން އޭނާގެ ގަޔަށް ޖަހާފައެވެ. މިއީ ކޮން ވެކްސިނެއް ކަމެއް ނުބުނި ނަމަވެސް އެ ވެކްސިން ޖެހުމުން އާދަޔާއި ހިލާފު އަލާމާތްތަކެއް ފެނުނު ކަމަށް ވޫ ބުނެއެވެ.

ޗައިނާއިން މިވަގުތު ހަތަރު ވެކްސިނެއް ދަނީ ތައްޔާރުކުރަމުންނެވެ. އެގޮތުން، ސިނޯފާމް އާއި ސިނޮވެކް ބަޔޯޓެކްއިން ތިން ވެކްސިނެއްގެ މަސައްކަތް ކުރަމުންދާ އިރު، ކަންސިނޯ ބަޔޮލޮޖިކްސްއިން ދަނީ ވެކްސިނެއް ތައްޔާރުކުރަމުންނެވެ. ޖޫން މަހު މި ވެކްސިން ބޭނުންކުރުމުގެ ހުއްދަ ޗައިނާގެ އަސްކަރިއްޔާގެ ފަރާތްތަކަށް ވަނީ ދީފައެވެ.