ދެ އަހަރު ނުފުރޭ ކުއްޖެއްގެ ފުއްޕާމޭން ކެޝޫ ނަޓެއް ނަގައިފި
މި މަސައްކަތުގައި އެހީތެރިވެދެއްވި ހުރިހާ ފަރާތްތަކަށް އޭނާ ވަނީ ޝުކުރުއަދާކުރައްވާފަ
ކުޑަކުއްޖެއްގެ ފުއްޕާމެއިން ކެޝޫނަޓެއް ނެގުން
ދެ އަހަރު ނުފުރޭ ކުއްޖެއްގެ ފުއްޕާމޭން ކެޝޫ ނަޓެއް ނަގައިފިއެވެ.
ކުޑަކުއްޖެއްގެ ފުއްޕާމެއިން ކެޝޫ ނަޓެއްގެ ބައިތަކެއް ނެގުމަށް ކުރެއްވި މަސައްކަތުގެ ވީޑިއޯ އިންދިރާގާންދީ މެމޯރިއަލް ހޮސްޕިޓަލް (އައިޖީއެމްއެޗް)ގެ ޑޮކްޓަރ މުހައްމަދު އަލީ ވަނީ ޓްވިޓަރގައި ހިއްސާ ކުރައްވާފައެވެ.
ޑޮކްޓަރ ވިދާޅުވެފައިވަނީ އެ ކުއްޖާގެ ފުއްޕާމޭގެ ދެ ފަޅީގައި ހުރި ކެޝޫނަޓެއްގެ ބައިތަކެއް ކާމިޔާބުކަމާއި އެކު ނަގާފައިވާ ކަމަށެވެ.
އަދި މި މަސައްކަތުގައި އެހީތެރި ވެދެއްވި ހުރިހާ ފަރާތްތަކަށް އޭނާ ވަނީ ޝުކުރު އަދާކުރައްވާފައެވެ.
މީގެކުރިން ވެސް މިފަދަ އެތައް ހާދިސާތައް ހިގާފައިވާކަން ފާހަގަކޮށްލެވެއެވެ. އެގޮތުން، ބުރުގާ ޕިން ދިރުވާލެވިގެން އޮޕަރޭޝަންތައް ވަރަށް ގިނައިން ކުރަމުންދާކަން ފާހަގަކޮށްލެވެއެވެ. ފުއްޕާމެއިންނާ، ނޭވާ ހޮޅިންނާއި އަދި ބަނޑުން މިފަދަ ތަކެތި ނަގާފައިވެއެވެ.
