ތުޅާދޫއަށް އެތެރެ ކުރަން އުޅުނު މަސްތުވާތަކެތި ފުލުހުން ހޯދައިފި
މިތަކެތި އެތެރެ ކުރަން އުޅުނީ ކަނޑުމަގުން
ހޯދައިފައިވާ މަސްތުވާ ތަކެތި ވަނީ ފުލުހުންގެ ބެލުމުގެ ދަށަށް ގެންގޮސްފަ
ތުޅާދޫއަށް އެތެރެ ކުރަން އުޅުނު މަސްތުވާތަކެތި ފުލުހުން ހޯދައިފިއެވެ.
ބ. ތުޅާދޫއަށް އެތެރެ ކުރަން އުޅުން މަސްތުވާ ތަކެތި ފުލުހުން ހޯދާފައިވަނީ ތުޅާދޫ ޕޮލިސްޓޭޝަނުން ހިންގި އޮޕަރޭޝަނެއްގައެވެ. މިތަކެތި އެތެރެ ކުރަން އުޅުނީ ކަނޑުމަގުންނެވެ.
ފުލުހުން ބުނީ މިތަކެތި ހޯދާފައިވަނީ ފުލުހުންގެ އިންޓެލިޖެންސް އަށް ލިބުނު މައުލޫމާތަކާ ގުޅިގެން މާލެއިން އިން ތުޅާދޫއަށް ދަތުރު ކުރަމުންދިޔަ ލޯންޗަކުން ކަމަށެވެ.
އަދި އެ ލޯންޗުން ބޭލި ފޮށިގަނޑެއް ބަލާ ފާސްކުރި އިރު އެ ފޮށިގަނޑުގެ ތެރެއިން މަސްތުވާތަކެތި ކަމަށް ޝައްކު ކުރެވޭ ރަބަރު ޕެކެޓް ތަކަކާއި ފިލްމް ހުސްކުރި ދަޅެއްވެސް ފެނިފައި ވާކަމަށް ފުލުހުން ބުންޏެވެ.
އިތުރަށް މައުލޫމާތު ދެމުން ފުލުހުން ބުނީ އަދި އެއްވެސް މީހަކު މި މައްސަލައާ ގުޅިގެން ހައްޔަރު ކޮށްފައި ނުވާކަމަށާ މި މައްސަލަ ފުލުހުން ދަނީ ތަހުގީގު ކުރަމުން ކަމަށެވެ.
