ރާއްޖެ
ކޮވިޑް-19ށް މީހުން ޕޮޒިޓިވްވުން
އިތުރު 129 މީހަކު ކޮވިޑަށް ޕޮޒިޓިވްވެއްޖެ
ކޭސްތަކުގެ އަދަދު ދަނީ އިތުރުވަމުން
އަލީ ސަމާޚް, ރާއްޖެ އެމްވީ | 3 އޯގަސްޓު 2020 | ހޯމަ 17:21
މާލޭ މަގެއްގެ މަތި
ރާއްޖެއިން އިތުރު 129 މީހަކު ކޮވިޑް-19ށް ޕޮޒިޓިވްވެއްޖެއެވެ.
ހެލްތް ޕްރޮޓެކްޝަން އެޖެންސީން ބުނީ، ޕޮޒިޓިވްވި މީހުންގެ ތެރެއިން ދެ މީހުންނަކީ އަތޮޅު ތެރެއިން ޕޮޒިޓިވްވި މީހުން ކަމަށެވެ. އަދި އޭގެ ތެރެއިން 127 މީހުންނަކީ ގްރޭޓަރ މާލެ ސަރަހައްދުން ޕޮޒިޓިވްވެފައިވާ މީހުން ކަމަށް އެޗްޕީއޭއިން ބުންޏެވެ.
މިއާއިއެކު ޕޮޒިޓިވްވި މީހުންގެ އަދަދު ވަނީ 4293ށް އަރާފައެވެ. ހޯމަ ދުވަހު އިތުރު 27 މީހަކު ވަނީ ބަލިން ފަސޭހަވެފައެވެ. އެއާއެކު ބަލިން ފަސޭހަވި މީހުންގެ އަދަދު ވަނީ 2670ށް އަރާފައެވެ.
މި ފަހަކަށް އައިސް ބަލި ޖެހޭ މީހުންގެ އަދަދު ދަނީ އިތުރުވަމުންނެވެ.
