އާދީއްތަ 06 ޑިސެންބަރު 2020
10 ދޮށަ
1442 ރަބީޢުލްއާޚިރު 20
ފަތިސް 04:42
އިރުއަރާ 05:58
މެންދުރު 12:01
އަސްރު 15:21
އިރުއޮއްސޭ 17:55
އިޝާ 19:12
މަހިބަދޫ ވެޓެރަންސް ފުޓްބޯޅަ މުބާރާތް

މަހިބަދޫ ވެޓެރަންސް ފުޓްބޯޅަ މުބާރާތް ފަށައިފި

  • އީދާ ގުޅިގެން ކުރިއަށްގެންދާ މި މުބާރާތުގައި ހަތަރު ޓީމު ވާދަކުރޭ
  • މުބާރާތަށް ކޮންމެ އަހަހަރަކު ވެސް ބޮޑު ތަރުހީބެއް ލިބެމުންދޭ

ކ. މާލެ | 1 އޯގަސްޓް 2020 | ހޮނިހިރު 20:20 | 3,818

މަހިބަދޫ ވެޓެރަންސް ފުޓްބޯޅަ މުބާރާތް އަސަދުﷲ އަބްދުﷲ ފައްޓަވައިދެއްވަނީ - ސޯޝަލް މީޑިއާ

އދ. މަހިބަދޫ ކައުންސިލުން އިންތިޒާމިުކޮށްގެން ބާއްވާ ދެވަނަ ވެޓެރަންސް ފުޓްބޯޅަ މުބާރާތް ފަށައިފިއެވެ.

އަޟްހާ އީދާ ގުޅިގެން ކުރިއަށްގެންދާ މި މުބާރާތުގައި ހަތަރު ޓީމު ވާދަކުރެއެވެ. އޭގެ ތެރޭގައި ހިމެނެނީ އޭފްސީ ލެޖެންޑާއި، ލަޔަންސް އާއި، ވާނުވާ އަދި ދަ ޖޯލިއެވެ.

މި މުބާރާތުގައި ވާދަކުރާ ޓީމުތަކުގައި 2006 ވަނަ އަހަރު މަހިބަދޫއަށް ޒޯން ޗެމްޕިއަންޝިޕް ކާމިޔާބުކޮށްދިން ޓީމުގެ ގިނަ ކުޅުންތެރިންނާއި، ފުރަތަމަ ޑިވިޝަންގެ ކްލަބުތަކަށް ކުޅެފައިވާ ބައެއް ކުޅުންތެރިންވެސް ހިމެނެއެވެ.

މަހިބަދޫ ކައުންސިލްގެ ރައީސް އަޙްމަދު ހަލީލު ވިދާޅުވީ މި މުބާރާތަކީ މަހިބަދޫގައި ފުޓްބޯޅަ ކުޅެފައިވާ ފަރާތްތަކުގެ މެދުގައި ވަރަށް މަގުބޫލު މުބާރާތެއް ކަމަށާއި، މުބާރާތަށް ކޮންމެ އަހަހަރަކު ވެސް ބޮޑު ތަރުހީބެއް ލިބެމުންދާ ކަމަށެވެ. އެގޮތުން މިއަހަރުވެސް ކުރީގެ މަޝްހޫރު ކުޅުންތެރިންނާއި މިހާރުގެ ކުޅުންތެރިން މުބާރާތުގައި ކުޅޭކަން ހަލީލު ފާހަގަކުރެއްވިއެވެ.

80 ގެ އަހަރުގެ އަހަރުތަކުގައި މަހިބަދޫ ޓީމު ވަނީ މާލެ އައިސް ފުޓްބޯޅައަށް ބޮޑު ބަދަލެއް ގެނެސް ވާދަވެރި ގޮތެއްގައި މާލޭގެ ޓީމުތަކާއި ވާދަކޮށްފައެވެ.

35 އަހަރުން މަތީގެ ކުޅުންތެރިންނަށް ހާއްސަ މި މުބާރާތް ފައްޓަވައި ދެއްވީ މަހިބަދޫއަށް ނިސްބަތްވާ މަޝްހޫރު ފުޓްބޯޅަ ކުޅުންތެރިޔާ މާޒިޔާގެ ކެޕްޓަން އަސަދުﷲ އަބްދުﷲއެވެ.

ދިވެހި ފުޓްބޯޅައިގެ ލެޖެންޑުންގެ ތެރޭގައި މަހިބަދޫއަށް ނިސްބަތްވާ ގިނަ ކުޅުންތެރިން ހިމެނޭއިރު، ގައުމީ ޓީމުގެ ގޯލްކީޕަރު ޓްރޭނަރުގެ ގޮތުގައި ހިމެނޭ ރާއްޖޭގައި އުފެދުނު މަޝްހޫރު ގޯލްކީޕަރު އިމްރާން މުޙައްމަދާއި ގައުމީ ޓީމުގެ ކުރީގެ ފޯވާޑް އަޙްމަދު ތޯރިގު (ޓޮމް) އާއި ގައުމީ ޓީމުގެ ކުރީގެ ކުޅުންތެރިޔާ ހުސެއިން ނިޔާޒު އަދި އައްސަދުﷲ ފާހަގަކުރެވެއެވެ.

މިދިޔަ އަހަރުން ފެށިގެން އީދު ބަންދާ ދިމާކޮށް ކޮންމެ އަހަރަކު ކުރިއަށްގެންދާ މަހިބަދޫގެ ވެޓެރަންސް ފުޓްބޯޅަ މުބާރާތުގެ ޗެމްޕިއަން ޓީމަށް ފުރަތަަމަ އަހަރު ފައިސާގެ އިނާމު ދިން ނަމަވެސް، މިހާރުގެ ހާލަތާ ގުޅިގެން ޗެމްޕިއަން ޓީމަށް ދިނުމަށް ނިންމާފައި ވަނީ މިލްކުވާ ތައްޓެއް ކަމަށް މުބާރާތް އިންތިޒާމުކުރާ މަހިބަދޫ ކައުންސިލުން މައުލޫމާތުދެއެވެ.

އެންމެ ފަހުން އަޕްޑޭޓް ކުރީ: 4 މަސް ކުރިން | ރިވިއު ކުރީ: އަބުދުﷲ ނަސީރު އިބްރާހިމް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.