ކ. މާލެ
|
31 ޖުލައި 2020 | ހުކުރު 22:29
ކޮވިޑް-19 ރެންޑަމް ސާމްޕަލް ނެގުމުގެ ތެރެއިން- މިހާރަކަށް އައިސް ގިނަ ދިވެހިންތަކެއް ދަނީ ޕޮޒިޓިވްވަމުން
ކޮވިޑް-19 ރެންޑަމް ސާމްޕަލް ނެގުމުގެ ތެރެއިން- މިހާރަކަށް އައިސް ގިނަ ދިވެހިންތަކެއް ދަނީ ޕޮޒިޓިވްވަމުން
އެޑިޝަން.އެމްވީ
ކޮވިޑް-19 ރާއްޖޭގެ ޙާލަތު
ޢީދު ދުވަހު ޕޮޒިޓިވްވީ 74 މީހުން، 39 މީހުން ބަލިން ރަނގަޅުވި
 
ރަނގަޅުވި މީހުންގެ ޖުމުލަ އަދަދު ވަނީ 2607ށް އަރާފަ
 
ޕޮޒިޓިވްވި މީހުންގެ ތެރޭގައި 44 ދިވެހިން ހިމެނޭ
 
އެކްޓިވް ކޭސްތަކުގެ އަދަދަކީ 1155

އަޟްހާ ޢީދުގެ ފުރަތަމަ ދުވަހު ރާއްޖެއިން އިތުރު 74 މީހަކު ކޮވިޑް-19 އަށް ޕޮޒިޓިވްވެއްޖެއެވެ.

ހެލްތް ޕްރޮޓެކްޝަން އޭޖެންސީ (އެޗްޕީއޭ)އިން ހުކުރު ދުވަހު ކޮށްފައިވާ ޓްވީޓެއްގައި ބުނީ، އިތުރު 74 މީހަކު ޕޮޒިޓިވްވެފައިވާ ކަމަށާއި، އޭގެ ތެރެއިން 70 މީހުން ޕޮޒިޓިވްވެފައިވަނީ މާލޭ ސަރަޙައްދުން ކަމަށެވެ. އަދި ބާކީ ތިބި 4 މީހުންނަކީ އަތޮޅު ތެރެއިން ޕޮޒިޓިވްވި މީހުން ކަމަށް އެޗްޕީއޭއިން ބުނެއެވެ.

އެޗްޕީއޭއިން ބުނީ، ޕޮޒިޓިވްވި މީހުންގެ ތެރޭގައި 44 ދިވެހިން ހިމެނޭ ކަމަށެވެ. އަދި ބަންގްލަދޭޝްއަށް ނިސްބަތްވާ 19 މީހަކާއި، އިންޑިއާއަށް ނިސްބަތްވާ 8 މީހަކާއި، ސްރީލަންކާ ރައްޔިތެއްގެ އިތުރުން، ނޭޕާލްއަށް ނިސްބަތްވާ ރައްޔިތަކާއި، ފިލިޕީންސް ރައްޔިތެއްވެސް ވަނީ ޕޮޒިޓިވްވެފައެވެ. އެއާއެކު ރާއްޖެއިން ޕޮޒިޓިވްވި މީހުންގެ ޖުމުލަ އަދަދަކީ 3793 އެވެ.

އޭގެ އިތުރުން، އިތުރު 39 މީހަކު ބަލިން ރަނގަޅުވެ، ރާއްޖެއިން ކޮވިޑް-19 ޖެހިގެން ރަނގަޅުވި މީހުންގެ ޖުމުލަ އަދަދު ވަނީ 2607ށް އަރާފައެވެ. އަދި މިވަގުތުގެ އެކްޓިވް ކޭސްތަކުގެ އަދަދަކީ 1155 އެވެ.

އެޗްޕީއޭއިން އިތުރަށް ބުނީ، ޢީދު ދުވަހުވެސް 35 ވިޔަފާރިއެއްގެ އިންސްޕެކްޝަން ހެދިފައިވާ ކަމަށެވެ. އަދި އޭގެ ތެރެއިން 3 ތަނެއް ވަގުތީ ގޮތުން ބަންދު ކޮށްފައިވާއިރު، އޭގެ ތެރޭގައި 2 ފިހާރައާއި ސެލޯންއެއް ހިމެނެއެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: އަމަން ހަލީމް
0%
0%
0%
0%
0%
0%
ކޮމެންޓް