ހުކުރު 07 އޯގަސްޓު 2020
10 އަހުލިހަ
1441 ޒުލްޙައްޖު 17
ފަތިސް 04:47
އިރުއަރާ 06:02
މެންދުރު 12:16
އަސްރު 15:33
އިރުއޮއްސޭ 18:22
އިޝާ 19:37
ސްޕެނިޝް ލީގު

ބިލްބާއޯ ބަލިކޮށް ރެއާލަށް ހަތް ޕޮއިންޓުގެ ލީޑެއް

  • ބިލްބާއޯ އަތުން ރެއާލް މޮޅުވީ 1-0 ން
  • ރެއާލް އެއްވަނައިގައި އޮތީ 77 ޕޮއިންޓާއެކު

ކ. މާލެ | 5 ޖުލައި 2020 | އާދީއްތަ 19:13 | 2,870

ބިލްބާއޯ އާއި ރެއާލް ބައްދަލުކުރި މެޗުގެ ތެރެއިން: މި މެޗުން ރެއާލް މޮޅުވީ 1-0 ން - ގެޓީ އިމޭޖާސް

ސްޕެނިޝް ލީގުގައި އެތުލެޓިކް ބިލްބާއޯ ބަލިކޮށް ރެއާލް މެޑްރިޑުން ތާވަލުގެ އެއްވަނައިގައި ހަތް ޕޮއިންޓުގެ ލީޑެއް ނަގައިފިއެވެ.

ބިލްބާއޯ ދަނޑުގައި އާދީއްތަ ދުވަހު ކުޅުނު މެޗު ރެއާލުން ކާމިޔާބުކުރީ 1-0 ގެ ނަތީޖާއަކުންނެވެ.

މެޗު ފަށައިގެން ދެ ޓީމުގެ ފަރާތުން ހަމަހަމަ ކުޅުމެއް ފެނިގެންދިޔައިރު، މެޗުގެ ފަސްވަނަ މިނެޓުގައި ރެއާލުން ވަނީ ބިލްބާއޯގެ ގޯލަށް ނުރައްކާތެރި ހަމަލާއެއް ފޮނުވައިލައިފައެވެ. ޑެނީ ކާވަހާލް ނަގައިދިން ހުރަސް ހުސްކޮށް ހުރެ ބެންޒެމާ ފޮނުވާލިއިރު. މި ހަމަލާ ބިލްބާއޯގެ ގޯލްކީޕަރު ވަނީ ހުޝިޔާރުކަމާއެކު ދިފާއުކޮށްފައެވެ.

މެޗުގެ 17 ވަނަ މިނެޓުގައި ބިލްބާއޯއަށްވެސް ވަނީ ލަނޑު ޖަހަން ރަނުގެ ފުރުސަތެއް ލިބި ބޭކާރުވެފައެވެ. ބިލްބާއޯގެ ރައުލް ގާސިއާ ހުސްކޮށްހުރެ ބޮލުން ފޮނުވާލި ހަމަލާ ރެއާލްގެ ގޯލްކީޕަރު ތިބައޫ ކޯޓުއާ ވަނީ ހުޝިޔާރު ކަމާއެކު ދިފާއުކޮށްފައެވެ. އޭގެ ފަހުން ބިލްބާއޯގެ ވިލިއަމްސްވެސް ވަނީ ނުރައްކާތެރި ހަމަލާއެއް އުފައްދާފައެވެ.

މެޗުގެ ދެވަނަ ހާފު ފަށައިގެން ރެއާލުން ވަނީ އެޓީމުގެ އެޓޭކުތައް އިތުރަށް ވަރުގަދަ ކޮށްފައެވެ. މެޗުގައި ރެއާލުން ކާމިޔާބުކުރި ހަމައެކަނި ލަނޑު 74 ވަނަ މިނެޓުގައި ޕެނަލްޓީއަކުން ކާމިޔާބުކޮށްދިނީ ކެޕްޓަން ސާޖިއޯ ރާމޯސްއެވެ. މިއީ ރެއާލްގެ މާސެލޯއަށް ބިލްބާއޯ ކުޅުންތެރިއަކު އޭރިއާ ތެރެއިން ކުރި ފައުލަކާއި ގުޅިގެން ދިން ޕެނަލްޓީއެކެވެ.

މި ނަތީޖާއާއެކު ރެއާލުން ލީގު ތާވަލުގެ އެއްވަނައިގައި އޮތީ ކުޅުނު 34 މެޗުން ލިބުނު 77 ޕޮއިންޓާއެކުގައެވެ. ދެވަނައިގައި އޮތް ބާސެލޯނާއަށް 33 މެޗުން ލިބިފައިވަނީ 70 ޕޮއިންޓެވެ. އެހެންކަމުން ލީގުގައި އާދީއްތަ ދުވަހުގެރޭ ވިޔަރެއާލް ބަލިކޮށް، ރެއާލްގެ ފަރަގު ހަތަރު ޕޮއިންޓަށް ކުޑަކުރުމުގެ ފުރުސަތު ބާސާއަށް އެބައޮތެވެ.

އެންމެ ފަހުން އަޕްޑޭޓް ކުރީ: 1 މަސްކުރި | ރިވިއު ކުރީ: އަބުދުﷲ ނަސީރު އިބްރާހިމް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.