ކ. މާލެ
|
4 ޖުލައި 2020 | ހޮނިހިރު 23:05
ޮޕަބްލިކް އިންޓްރެސްޓް ލޯ ސެންޓަރުން ބޮޑުފިނޮޅުގައި ތިބި ބިދޭސީންގެ މައުލޫމާތު އެއްކުރުމުގައި ހަރަކާތްތެރިވަނީ
ޮޕަބްލިކް އިންޓްރެސްޓް ލޯ ސެންޓަރުން ބޮޑުފިނޮޅުގައި ތިބި ބިދޭސީންގެ މައުލޫމާތު އެއްކުރުމުގައި ހަރަކާތްތެރިވަނީ
ރާއްޖެއެމްވީ
ބޮޑުފިނޮޅު މައްސަލަ
ބޮޑުފިނޮޅު މަސައްކަތްތެރިންނަށް ޤާނޫނީ އެހީތެރިކަން ފޯރުކޮށްދެނީ
 
ދިވެހިންނަށްވެސް ގިނަ މަސްތަކެއްގެ މުސާރަ ނުލިބޭ
 
179 ބިދޭސީއެއްގެ މައުލޫމާތު ވަނީ އެއްކޮށްފައި
 
މައްސަލަ ޓްރައިބިއުނަލަށް ހުށަހަޅާނެ ކަމަށް ޕީއައިއެލްސީން ބުނޭ

ބ. އަތޮޅުގައި ރިސޯޓެއްގެ ގޮތުގައި ތަރައްގީ ކުރަމުން އަންނަ ބޮޑުފިނޮޅުގެ މަސައްކަތްތެރިންނަށް ޤާނޫނީ އެހީތެރިކަން ފޯރުކޮށްދިނުމުގެ މަސައްކަތް ހިލޭ ސާބަހަށް މަސައްކަތްކުރާ ޕަބްލިކް އިންޓްރެސްޓް ލޯ ސެންޓަރު (ޕީއައިއެލްސީ) ން ފަށައިފިއެވެ.

ބޮޑުފިނޮޅުގައި ހުރެ ރާއްޖެ.އެމްވީއާ ވާހަކަ ދައްކަވަމުން ޕީއައިއެލްސީގެ ވަކީލު މަރިޔަމް ޝުނާނާ ވިދާޅުވީ، އެ ޖަމިއްޔާއިން އެ ރަށުގައި ތިބި ބިދޭސީންނާ ބައްދަލުކޮށް އެ މީހުންގެ މުސާރާއާ އަދި އެހެނިހެން މައުލޫމާތު އެއްކޮށްފައިވާ ކަމަށެވެ. އޭނާ ވިދާޅުވީ، ބިދޭސީންގެ މުސާރަ އުޅެނީ 4،000 އާއި 6،000 ރުފިޔާއާ ދެމެދުގައި ކަމަށެވެ. ބޮޑުފިނޮޅުގައި މި ވަގުތު އެއްވެސް ދިވެއްސަކު ނެތެވެ. އެހެންވެ ޕީއައިއެލްސީން ދަނީ ދިވެހިންނާ ގުޅުމުގެ މަސައްކަތްވެސް ކުރަމުންނެވެ.

އެ ރަށުގައި މި ވަގުތު ތިބި 179 ބިދޭސީންގެ މައުލޫމާތު އެއްކުރުމުގައި ބަންގްލަދޭޝް ހައިކޮމިޝަނުގެ ދެ އޮފިޝަލުންވެސް ވަނީ އެ ރަށުގައި ހަރަކާތްތެރިވެފައެވެ. ގިނަ ބިދޭސީންގެ ހަ މަހުގެ މުސާރަވެސް ނުލިބޭކަން ފާހަގަކުރައްވަމުން ޝުނާނާ ވިދާޅުވީ، އެއްކުރި މައުލޫމާތުގެ އިތުރަށް ބިދޭސީންގެ މައްސަލަތަކާއި ގުޅޭ ގޮތުން ލޭބަރ ރިލޭޝަންސް އޮތޯރިޓީ (އެލްއާރްއޭ) އާއި، ބަންގްލަދޭޝްގެ ހައި ކޮމިޝަނާއި، އެ ރަށުގެ ކޮންޓްރެކްޓަރު ރިޒް ޕްރައިވެޓް ލިމިޓެޑާއި، އަދި ރަށް ހަވާލުކޮށްފައިވާ ސީލް މޯލްޑިވްސްއިން މައުލޫމާތު ހޯދުމަށް ފަހު މައްސަލަ ވަޒީފާއާ ބެހޭ ޓްރައިބިއުނަލަށް ހުށަހަޅާނެ ކަމަށެވެ. އެ ބިދޭސީންނަކީ ވަރަށް ހާލުގައި ޖެހިފައިތިބި ފަރާތްތަކެއްކަން ފާހަގަކުރައްވަމުން އޭނާ ވިދާޅުވީ، ދައުވާކުރަން ޖެހޭ ފަރާތްތަކާއި ދެކޮޅަށް ދައުވާ ކުރާނެ ކަމަށެވެ.

ބޮޑުފިނޮޅުގައި މަސައްކަތް ކުރަމުން ދިޔަ ބިދޭސީންތަކަކަށް ލިބެންޖެހޭ މުސާރަ ނުލިބޭތީ، އެ މީހުން ވަނީ އެކަމާ ދެކޮޅަށް ހަޅުތާލުކޮށްފައެވެ. ބިދޭސީން ކުރި ހަޅުތާލު ގޯސްވެގެން ދިޔައީ އެ ރަށުގައި ތިބި ދިވެހިންތަކެއް ރަށުން ފައިބަން އުޅެނިކޮށެވެ. ހަޅުތާލުކުރި ބިދޭސީން ވަނީ ފައިބަން އުޅުނު ދިވެހިން ހުއްޓުވައި، އެ ރަށުގެ އެވަގުތު ތިބި 12 ދިވެހިން ރަހީނުކޮށްފައެވެ. އެއަށްފަހު އެ މީހުން ވަނީ އެ ރަށުގެ ތަކެއްޗަށް ގެއްލުންދީފައެވެ. ބިދޭސީންގެ އަތް ދަށުގައި ތިބި ދިވެހިން ސަލާމަތްކުރީ ހުކުރު ދުވަހު އެ ރަށަށް އެރި ފުލުހުންގެ ޓީމުންނެވެ. މައްސަލައިގައި ހިމެނޭ 19 ބިދޭސީއަކު ހައްޔަރުކޮށް އެ މީހުންގެ ބަންދަށް 15 ދުވަސް މިހާރު ވަނީ ޖަހާފައެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: އިސްމާޢީލް ޝާހް
60%
0%
40%
0%
0%
0%
ކޮމެންޓް
5 ޖުލައި 2020 | އާދީއްތަ 00:02
ޢަލީ
ޕީ.އައި.އެލް.ސީ ގެ މީ ހުން ކަރަންޓީން ވާން ނުޖެ ހޭތަ؟ މާލެއިން އެހެހެ ހެން ރަށްރަށަށް ދާ މީޙުން 14 ދުވަ ހު ކަރަންޓީން ވާން ޖެ ހޭ...
ގުޅުންހުރި