ހޮނިހިރު 15 އޯގަސްޓު 2020
05 މާ
1441 ޒުލްޙައްޖު 25
ފަތިސް 04:48
އިރުއަރާ 06:01
މެންދުރު 12:14
އަސްރު 15:29
އިރުއޮއްސޭ 18:20
އިޝާ 19:34
ލޯންޗެއްގައި އަލިފާނުގެ ހާދިސާއެއް ހިނގުން

ލޯންޗެއްގައި ރޯވެ ދިވެހި އަންހެނަކާއި، ލަންކާ މީހަކު ފިހިއްޖެ

  • އަލިފާން ރޯވެފައިވަނީ "މާލިފުށި 2" ކިޔާ ލޯންޗެއްގައި
  • ލޯންޗުގައި އެވަގުތު 6 މީހުން ތިބި
  • މި ހާދިސާ ފުލުހުން ދަނީ އިތުރަށް ތަހުޤީޤު ކުރަމުން

ކ. މާލެ | 1 ޖުލައި 2020 | ބުދަ 11:11 | 35,798

އަލިފާން ރޯވެފައިވަނީ "މާލިފުށި 2" ކިޔާ ލޯންޗެއްގައި - ކިއުންތެރިއެއް

ތ. މާލިފުށި ރިސޯޓުން ފުރައިގެން އައި ލޯންޗެއްގައި ރޯވެ، ދިވެއްސަކާއި، ލަންކާ ރައްޔިތަކަށް ފިހިއްޖެއެވެ.

އެކަމާ ގުޅޭގޮތުން ފުލުހުންގެ މީޑިއާ އޮފިޝަލު "ރާއްޖެއެމްވީ"އަށް ވިދާޅުވީ، ހާދިސާގެ މައުލޫމާތު ފުލުހުންނަށް ލިބިފައިވަނީ ބުދަ ދުވަހުގެ ހެނދުނުގެ ވަގުތެއްގައި ކަމަށެވެ. އެގޮތުން އަލިފާން ރޯވެފައިވަނީ "މާލިފުށި 2" ނަމަކަށް ކިޔާ ލޯންޗެއްގައި ކަމަށާއި، އެ ލޯންޗު ދަތުރު ކުރަމުން ދިޔައީ މާލެއަށް ކަމަށް އޭނާ ވިދާޅުވިއެވެ. އަދި އަލިފާން ރޯވެފައިވަނީ މާލެ ދިޔަ މަގުމަތީގައި ތ ގުރައިދޫއަށް ޖައްސަން ދަނިކޮށް ކަމަށް ވެސް މައުލޫމާތު ދީފައިވެއެވެ.

ފުލުހުން ބުނީ، ލޯންޗުގައި އެވަގުތު 6 މީހުން ތިބި ކަމަށެވެ. އަދި އޭގެ ތެރެއިން ދިވެހި އަންހެނަކާއި، ލަންކާ ރައްޔިތަކަށް އަނިޔާވެފައިވާ ކަމަށް ފުލުހުން މައުލޫމާތުދެއެވެ.

"މާލިފުށި 2" ކިޔާ ލޯންޗެއްގައި ރޯވަނީ

އެ ދެމީހުންނަށް ވެސް މާލިފުށި ރިސޯޓުގައި ފަރުވާދެމުންދާއިރު، ދެ މީހުން މާލެ ގެނައުމުގެ މަސައްކަތް ކުރަމުންދާ ކަމަށް ފުލުހުން ބުނެފައިވެއެވެ. އެކަމާ ގުޅޭގޮތުން ރިސޯޓުގެ ބަހެއް ލިބިފައެއް ނުވެއެވެ.

ލޯންޗުގައި އަލިފާން ރޯވި ސަބަބު ދެނެގަނެވިފައިނުވާއިރު، މި ހާދިސާ ފުލުހުން ދަނީ އިތުރަށް ތަހުޤީޤު ކުރަމުންނެވެ.

އެންމެ ފަހުން އަޕްޑޭޓް ކުރީ: 2 މަސް ކުރިން | ރިވިއު ކުރީ: ސިމާހާ ނަސީމް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.