ބުރާސްފަތި 09 ޖުލައި 2020
09 ފުނޯސް
1441 ޒުލްގައިދާ 18
ފަތިސް 04:41
އިރުއަރާ 05:59
މެންދުރު 12:15
އަސްރު 15:38
އިރުއޮއްސޭ 18:23
އިޝާ 19:41
ސްޕެނިޝް ލީގު

އެސްޕަންޔޯލް ބަލިކޮށް ރެއާލަށް އެއްވަނައިގައި ދެ ޕޮއިންޓުގެ ލީޑެއް

  • އެސްޕަންޔޯލް އަތުން ރެއާލް މޮޅުވީ 1-0 ން
  • ރެއާލް އެއްވަނައަށް ޖެހިލީ 71 ޕޮއިންޓާއެކު

ކ. މާލެ | 29 ޖޫން 2020 | ހޯމަ 12:20 | 1,727

އެސްޕަންޔޯލް އާއި ރެއާލް ބައްދަލުކުރި މެޗުގެ ތެރެއިން: މި މެޗުން ރެއާލް މޮޅުވީ 1-0 ން - ގެޓީ އިމޭޖާސް

ސްޕެނިޝް ލީގުގައި އެސްޕަންޔޯލް އަތުން ހަނި ގޮތަކަށް މޮޅުވެ ރެއާލް މެޑްރިޑުން ތާވަލުގެ އެއްވަނައިގައި ދެ ޕޮއިންޓުގެ ލީޑެއް ނަގައިފިއެވެ.

އާދީއްތަ ދުވަހުގެރޭ ރަށުން ބޭރުގައި ކުޅުނު މެޗު ރެއާލުން ކާމިޔާބުކުރީ 1-0 ގެ ނަތީޖާއަކުންނެވެ.

މެޗު ފަށައިގެން ރެއާލުން ކުރިއަށް ޖެހި އެސްޕަންޔޯލްގެ ގޯލަށް ނުރައްކާކުރިއިރު، މެޗުގެ ކުރީކޮޅު އެސްޕަންޔޯލްގެ ގޯލްކީޕަރު ވަނީ ރެއާލްގެ ކުޅުންތެރިން ފޮނުވާލި ނުރައްކާތެރި ދެ ހަމަލާއެއް ހުޝިޔާރުކަމާއެކު ދިފާއު ކޮށްފައެވެ.

މެޗުގައި ރެއާލުން ލީޑު ނެގީ ފުރަތަމަ ހާފުގެ ފަހު މިނެޓުގައެވެ. ކަރިމް ބެންޒެމާ ތަނަވަސް ކޮށްދިން ފުރުސަތަކުން މި ލަނޑު ރެއާލަށް ކާމިޔާބުކޮށްދިނީ މިޑްފީލްޑަރު ކަސެމީރޯއެވެ.

މެޗުގެ ދެވަނަ ހާފު ފަށައިގެން ދެ ޓީމުގެ ފަރާތުންވެސް ހަމަހަމަ ކުޅުމެއް ފެނިގެންދިޔައިރު، މި ހާފުގައި އެސްޕަންޔޯލްގެ ކުޅުންތެރިން ވަނީ ރެއާލްގެ ގޯލަށް ނުރައްކާކޮށްފައެވެ. އެގޮތުން މެޗުގެ 66 ވަނަ މިނެޓުގައި އެސްޕަންޔޯލްގެ ޑި ތޯމަސް ފޮނުވާލި ހަމަލާ އާއި މެޗުގެ ފަހު މިނެޓުގައި ސެލާރީ ފޮނުވާލި ހަމަލާ ފާހަގަކޮށްލެވެއެވެ. މި ދެ ހަމަލާވެސް ރެއާލްގެ ގޯލްކީޕަރު ތިބައޫ ކޯޓުއާ ވަނީ ދިފާއުކޮށްފައެވެ.

މިނަތީޖާ އާއެކު ރެއާލް ތާވަލުގެ އެއްވަނައަށް ޖެހިލީ ކުޅުނު 32 މެޗުން ލިބުނު 71 ޕޮއިންޓާއެކުގައެވެ. ދެވަނައިގައި އޮތް ބާސެލޯނާއަށް 32 މެޗުން 69 ޕޮއިންޓު ލިބިފައިވާއިރު، ތިންވަނައިގައި އެތުލެޓިކޯ މެޑްރިޑް އޮތީ ކުޅުނު 32 މެޗުން ލިބުނު 58 ޕޮއިންޓާ އެކުގައެވެ.

އެންމެ ފަހުން އަޕްޑޭޓް ކުރީ: 1 ހަފްތާ ކުރިން | ރިވިއު ކުރީ: އަބުދުﷲ ނަސީރު އިބްރާހިމް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.