ކ. މާލެ
|
21 ޖޫން 2020 | އާދީއްތަ 16:16
ޔާގެން ކްލޮޕް އާއި ޓްރެންޓް އަލެކްސަންޑަ-އާނޯލްޑް އެކުގައި
ޔާގެން ކްލޮޕް އާއި ޓްރެންޓް އަލެކްސަންޑަ-އާނޯލްޑް އެކުގައި
ގެޓީ އިމޭޖަސް
ލިވަޕޫލާއެކު ކްލޮޕުގެ ކާމިޔާބީ
ކްލޮޕަކީ ލިވަޕޫލަށް ހާއްސަ މީހެއް: އާނޯލްޑް
 
ކްލޮޕުގެ އިރުޝާދުގެ ދަށުން ލިވަޕޫލުން ވަނީ ބޮޑެތި ކާމިޔާބީތަކެއް ހޯދާފައި
 
ޕްރިމިއާ ލީގު ކާމިޔާބުކުރުމަށް ލިވަޕޫލަށް ބޭނުން ވަނީ އެންމެ 6 ޕޮއިންޓު

ލިވަޕޫލްގެ ކޯޗު ޔާގެން ކްލޮޕަކީ އެ ކްލަބަށް ހާއްސަ މީހެއް ކަމަށް ޑިފެންޑަރު ޓްރެންޓް އަލެކްސަންޑަ-އާނޯލްޑް ބުނެފިއެވެ.

އާނޯލްޑް މިހެން ބުނިއިރު ލިވަޕޫލުން އަންނަނީ މި ސީޒަނުގައި އިނގިރޭސި ޕްރިމިއާ ލީގުގައި ތަފާތު މޮޅު ކުޅުމެއް ދައްކަމުންނެވެ. އެގޮތުން ލިވަޕޫލުން 30 އަހަރަށް ފަހު މި ސީޒަނުގައި އިނގިރޭސި ޕްރިމިއާ ލީގު ކާމިޔާބުކުރުމަށް އެޓީމަށް ބޭނުން ވަނީ އެންމެ 6 ޕޮއިންޓެވެ.

ބީބީސީ ސްޕޯޓްސްއަށް ދިން އިންޓަވިއުއެއްގައި އާނޯލްޑް ބުނީ ކްލޮޕް ލިވަޕޫލަށް ކޮށްދީފައިވަނީ އޭނާއަށް ކްލަބުން އިޙުތިރާމު ކުރުން ހައްގު ކަމެއް ކަމަށެވެ. އެގޮތުން ކްލޮޕް ޓީމާއި ހަވާލުވިއިރު ޓީމުގެ ހާލަތު އެންމެނަށްވެސް އިނގޭނެ ކަމަށާއި، އެކަމަކު މި ވޭތުވެދިޔަ ތިން އަހަރަކީ ޓީމަށް ކާމިޔާބު ތިން އަހަރު ކަމަށްވެސް އާނޯލްޑް ބުންޏެވެ.

އާނޯލްޑް އިތުރަށް ބުނީ ދުވަހަކަށް ވުރެ ދުވަހެއް ޓީމުގެ ފެންވަރު ދަނީ މަތިވަމުން ކަމަށާއި ކުޅުންތެރިންނާއި ކޯޗިން ޓީމުގެ މަސައްކަތުން ސަޕޯޓަރުން ބޭނުންވާނެ ފަދަ ނަތީޖާތަކެއް ނެރެވިއްޖެ ކަމަށް އުންމީދު ކުރާ ކަމަށެވެ.

2015 ވަނަ އަހަރުގެ އޮކްޓޯބަރު މަހު ލިވަޕޫލްގެ ކޯޗުކަމާ ކްލޮޕް ހަވާލުވިއިރު އެޓީމު އޮތީ ލީގުގެ 10 ވަނައިގައެވެ. އެކަމަކު ލިވަޕޫލުން ވަނީ 2018 ވަނަ އަހަރު ޔުއެފާ ޗެމްޕިއަންސް ލީގުގެ ފައިނަލް ކުޅެ މިދިޔަ ސީޒަންގެ ޕްރިމިއާ ލީގުގެ ދެވަނަ ހޯދާފައެވެ. އަދި ކްލޮޕުގެ އިރުޝާދުގެ ދަށުން 2019 ވަނަ އަހަރު ލިވަޕޫލުން ވަނީ ބޮޑެތި ކާމިޔާބީތަކެއް ހޯދާފައެވެ. އެގޮތުން މިދިޔަ އަހަރު ލިވަޕޫލުން ވަނީ ޗެމްޕިއަންސް ލީގާއި ޔުއެފާ ސުޕަ ކަޕްގެ އިތުރުން ފީފާ ކްލަބު ވޯލްޑް ކަޕްވެސް ކާމިޔާބުކޮށްފައެވެ.

ކްލޮޕުގެ އިރުޝާދުގެ ދަށުން ޕްރިމިއާ ލީގުގެ ތައްޓަށް ވާދަކުރަމުން އަންނަ ލިވަޕޫލުން ލީގުގައި އާދީއްތަ ދުވަހުގެރޭ ނުކުންނާނީ ޑާބީ މެޗުގައި އެވަޓަންއާ ދެކޮޅަށެވެ. މި މެޗު ކުޅޭނީ މިރޭ ރާއްޖެ ގަޑިން 23:00 ގައެވެ.

އެންމެ ފަހުން އަޕްޑޭޓް ކުރީ: 4 ހަފްތާ ކުރިން
ރިވިއު ކުރީ: އަބުދުﷲ ނަސީރު އިބްރާހިމް
0%
0%
0%
0%
0%
0%
ކޮމެންޓް