ކ. މާލެ
|
1 އޯގަސްޓް 2017 | އަންގާރަ 19:50
 ފެންޓަސީ ފުޓުބޯޅަ ލީގުގެ ވެބްސައިޓް
ފެންޓަސީ ފުޓުބޯޅަ ލީގުގެ ވެބްސައިޓް
ފޭސްބުކް
ފެންޓަސީ ފުޓުބޯޅަ
ދިވެހި ޕްރިމިއާ ލީގަށް ހާއްސަ ފެންޓަސީ ލީގެއް ތައާރަފްކޮށްފި
 
ކޮންމެ ބައިވެރިއަކަށް ވެސް އޭނާ ހަދާ ޓީމަށް ކޮންމެ މެޗު ހަފުތާއެއްގެ ކުރިން ކުޅުންތެރިން ގަނެ ވިއްކޭނެ
 
"ފެންޓަސީ ފުޓުބޯޅަ" ވެބްސައިޓް މެދުވެރިކޮށް ހިޔާލީ ޓީމެއް ހެދުމުގެ ފުރުސަތު ލިބޭނެ

އަންނަ ހުކުރު ދުވަހު ފަށާ އުރީދޫ ދިވެހި ޕްރިމިއާ ލީގަށް ހާއްސަކޮށްގެން ފެންޓަސީ ފުޓުބޯޅަ ލީގެއް ތައާރަފްކޮށްފި އެވެ.

"ފެންޓަސީ ފުޓުބޯޅަ" ގެ ނަން ދީފައިވާ ސޯޝަލް މީޑިއާ މި ޕްލެޓްފޯމްގައި ބައިވެރިވާ ކޮންމެ ފަރާތަކަށް "ފެންޓަސީ ފުޓުބޯޅަ" ވެބްސައިޓް މެދުވެރިކޮށް ހިޔާލީ ޓީމެއް ހެދުމުގެ ފުރުސަތު ލިބޭނެ އެވެ.

އެގޮތުން ދިވެހި ޕްރިމިއާ ލީގުގައި ވާދަކުރާ ޓީމުތަކުގެ ކުޅުންތެރިންނަށް ހިޔާލީ އަގުތަކެއް ދީފައިވާއިރު، ކޮންމެ ބައިވެރިއަކަށް ވެސް އޭނާ ހަދާ ޓީމަށް ކޮންމެ މެޗު ހަފުތާއެއްގެ ކުރިން ކުޅުންތެރިން ގަނެ ވިއްކޭނެ އެވެ. އެ ބައިވެރިއަކަށް ޕޮއިންޓް ލިބޭނީ، އެ މެޗު ހަފުތާއެއްގައި ލީގުގައި ކުޅޭ މެޗުތަކުގައި ނުކުންނަ ނަތީޖާ އާއި ކުޅުންތެރިންގެ ޕާފޯމަންސަށް ބަލައިގެން ކަނޑައަޅާފައިވާ މިންގަނޑަކުންނެވެ. އަދި ޖެހިގެން އަންނަ މެޗު ހަފުތާއަކަށް އަނެއްކާ ވެސް ޓީމަށް ބަދަލު ގެނައުމުގެ ފުރުސަތު ލިބޭނެ އެވެ.

ފެންޓަސީ ލީގުގެ ޗެމްޕިއަންކަން ލިބޭނީ، ލީގު ނިމޭއިރު އެންމެ ގިނަ ޕޮއިންޓް ލިބޭ ފަރާތަކަށެވެ. ޗެމްޕިއަން ބައިވެރިއާއަށް ޔުއެފާ ޗެމްޕިއަންސް ލީގުގެ މެޗެއް ބަލަން ދިއުމުގެ ފުރުސަތު ލިބޭނެ އެވެ. މީގެ އިތުރުން ވެސް އެހެނިގެން އިނާމްތައް ލިބޭނެ ކަމަށް އިންތިޒާމްކުރާ ފަރާތުން ބުނެ އެވެ.

"ފެންޓަސީ ފުޓުބޯޅަ" ތައާރަފް ކުރުމަށް ބޭއްވި ރަސްމިއްޔާތުގައި ވާހަކަދައްކަވަމުން އެފްއޭއެމްގެ ރައީސް ބައްސާމް އަދީލް ޖަލީލު ވިދާޅުވީ، މިއީ ދިވެހި ފުޓުބޯޅައިގެ ސަޕޯޓަރުން ވަރަށް ބޮޑަށް ވަޅުޖެހިފައިވާ ވަގުތެއްގައި ޒުވާނުންތަކެއް ހިމެނޭ ޒުވާން ކުންފުންޏަކުން ކޮށްދިން ވަރަށް އަގުހުރި މަސައްކަތެއް ކަމަށެވެ.

އެގޮތުން ބައްސާމް ވިދާޅުވީ، މީގެ ސަބަބުން ދިވެހި ސަޕޯޓަރުން ދިވެހި ފުޓުބޯޅަ އަށް ދޭ އަހަމިއްޔަތުކަން އިތުރުވެގެންދާނެ ކަމަށާއި، ދިވެހި ކުޅުންތެރިންގެ ހުނަރުވެސް އިތުރުވެގެންދާނެ ކަމަށް ގަބޫލުކުރެވޭ ކަމަށެވެ.

ރާއްޖޭގައި އެންމެ މަގުބޫލޫ އިނގިރޭސި ޕްރިމިއާ ލީގުގެ ފެންޓަސީ ލީގަށްވާއިރު، އޭގައި 7000 ވަރަކަށް ދިވެހިން ބައިވެރިވެ އެވެ. މި ފަހަރުގެ ދިވެހި ޕްރިމިއާ ލީގުގައި ވާދަކުރަނީ މާޒިޔާ ސްޕޯޓްސް އެންޑް ރެކްރިއޭޝަން، ނިއުރޭޑިއަންޓް ސްޕޯޓްސް ކްލަބް، ޓީސީ ސްޕޯޓްސް ކްލަބް، ގްރީން ސްޓްރީޓް، ދ.ކުޑަހުވަދޫ، ގދ.ތިނަދޫ، ނ.މިލަންދޫ އަދި އއ.މާޅޮހެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: ހުސެން ފިޔާޒް
0%
70%
10%
0%
20%
0%
ކޮމެންޓް