ނިއުޔޯކުގައި ކޮވިޑް ޖެހޭ މީހުންގެ އަދަދު ދަށްވާން ފަށައިފި
4 ޖޫން 2020 | ބުރާސްފަތި 23:24ފާއިތުވި 2 ހަފްތާގައި ނިއުޔޯކުގައި ރިޕޯޓްކުރާ ކޭސްތަކުގެ އަދަދު ވަނީ ދަށްވެފައި
ނިއުޔޯކްގައި ކޮވިޑް ޖެހުނު މީހަކަށް ފަރުވާ ދިނުމަށް ހޮސްޕިޓަލަށް ގެންދިއުމަށް އެމްބިއުލާންސައް އަރުވަނީ
ދުނިޔޭގައި އެންމެ ގިނަ އަދަދަކަށް ކޮވިޑް-19 ފެތުރެމުން އަންނަ އެމެރިކާގެ ނިއުޔޯކް ސިޓީގައި ބަލިޖެހޭ މީހުންގެ އަދަދު ދަށްވަމުން އަންނަ ކަމަށް އެ ސިޓީގެ ގަވަރުނަރު އެންޑްރޫ ކޫމޯ ވިދާޅުވެއްޖެއެވެ.
ބުރާސްފަތި ދުވަހަކީ ނިއުޔޯކް ސިޓީގައި ބަލި ފެނުނު ފަނުން 96ށް ވީ ދުވަހެވެ. ބުރާސްފަތި ދުވަހު ކޫމޯ ވިދާޅުވީ އެ ސިޓީގައި ކޮވިޑް-19 ޖެހިގެން ރިޕޯޓްކުރާ މިންވަރު ބޮޑުތަކުން ދަށްވާން ފަށާފައިވާ ކަމަށެވެ. އޭނާ ވިދާޅުވީ ބުދަ ދުވަހު އެ ސިޓީން ކޮވިޑް ޖެހިގެން މަރުވީ 52 މީހުން ކަމަށާއި، ކަންކަން ހިނގަމުންދަނީ ރަނގަޅު ގޮތަކަށް ކަމަށެވެ.
ބުދަ ދުވަހު ނިއުޔޯކުގައި 52 މީހަކުން މަރުވެފައިވާ އިރު، އަންގާރަ ދުވަހު 49 މީހަކު އަދި ހޯމަ ދުވަހު 58 މީހަކު ވަނީ މަރުވެފައެވެ.
ޖޯޖް ފްލޮއިޑްގެ މަރުގެ މައްސަލާގައި ނިއުޔޯކުގައި މުޒާހަރާ ކުރަމުންދާތީ އެ މައްސަލައާއި ގުޅިގެން ކޫމޯ ވިދާޅުވީ މުޒާހަރާ ކުރަމުންދާ މީހުންގެ ސަބަބުން ހާލަތު އިތުރަށް ގޯސްވެގެން ދިއުމަކީ އެކަށީގެންވާ ކަމެއް ކަމަށެވެ. އަދި މުޒާހަރާގައި ބައިވެރިވާ ހުރިހާ އެންމެން ޓެސްޓް ކުރުމަށް ނިންމާފައިވާ ކޫމޯ ވިދާޅުވިއެވެ.
އޭނާ ވަނީ މުޒާހަރާ ކުރަމުންދާ ފަރާތްތައް ޒިންމާދާރުކަމާއެކީގައި އެކަން ކުރުމަށް ގޮވާލާ ޓެސްޓް ކުރުމަށް އެދިވަޑައިގެންފައެވެ. އަދި ފުލުހުންގެ މަސައްކަތަށް ހުރަސް ނޭޅުމަށް ވެސް ވަނީ އެދިވަޑައިގެންފައެވެ.
ކޫމޯ ވިދާޅުވީ ލުއިތަކެއް ދިނުމަށް ނިންމާފައިވާ އިރު، ފޭސް 2 ގައި ހަތް ސަރަހައްދެއް ހިމެނޭ ކަމަށެވެ. މި ލުއިތަކުގެ ތެރޭގައި ރެސްޓޯރެންޓްތަކަށް ކާންދިއުންމަށް ހުއްދަ ދެވޭނެކަމަށް އޭނާ ވިދާޅުވިއެވެ. ނަމަވެސް އެ ހުއްދަ އަކީ ބޭރުގައި ކާން ތިބުމަށް ފުރުސަތު ދިނުން ކަމަށާއި، ކޮންމެ މޭޒެއްގެ ދެމެދުގައި 6 ފޫޓް ހުންނަން ޖެހޭނެ ކަމަށެވެ. އަދި ހިދުމަތް ދިނުމުގައި އުޅޭ މުވައްޒަފުން މާސްކް އަޅަންޖެހޭނެކަމަށް ވެސް ވިދާޅުވިއެވެ.
ކޫމޯ ވިދާޅުވީ ގްރުޖުއޭޝަންތަކަށް ދިއުމާއި އައުމުގެ ހުއްދަ ވެސް ދޭން މިހާރު ނިންމާފައިވާ ކަމަށެވެ.
