ރާއްޖެއިން އިތުރު 22 މީހަކު ކޮވިޑް-19 އަށް ޕޮޒިޓިވްވެއްޖެ އެވެ.
ހެލްތް ޕްރޮޓެކްޝަން އެޖެންސީ (އެޗްޕީއޭ) އިން ކޮށްފައިވާ ޓްވީޓެއްގައި ބުނީ، ޕޮޒިޓިވްވި މީހުންގެ ތެރޭގައި ހިމެނެނީ ބަންގްލަދޭޝްގެ 10 މީހުންނާއި، އިންޑިއާގެ ތިން މީހުންގެ އިތުރުން ނުވަ ދިވެހިން ކަމަށެވެ.
މި އަދަދާއި އެކު ރާއްޖޭގައި ކޮވިޑް-19 އަށް ޕޮޒިޓިވްވި މީހުންގެ އަދަދު ވަނީ 1872 ށް އަރާފަ އެވެ. އެކްޓިވް ކޭސްތަކުގެ އަދަދުތައް ވަނީ 1197 ން 1215 ށް އިތުރުވެފަ އެވެ. ފާއިތުވި 24 ގަޑިއިރުގެ ތެރޭގައި ބަލިން ފަސޭހަވެފައިވަނީ 4 މީހަކެވެ.
