އިންޑަސްޓްރީ އަށް ލިބުނު ގެއްލުމުން އަރައިގަތުމައް ފީ ކުޑަކުރަން އޯކޭ: ކާރްތިކް
20 މެއި 2020 | ބުދަ 17:33މިހެން ބުނެފައިވަނީ އިންޑިއާގެ ނޫހަކަށް ދިން އިންޓަވިއު އެއްގައި
ކާތިކް އާރްޔަން
ފިލްމު އިންޑަސްޓްރީ އަށް ދިމާވެފައިވާ ގެއްލުމުން އަރައިގަތުމަށް ފީ ކުޑަކުރަން އެއްބަސްވާ ކަމަށް ކާރްތިކް އާރްޔަން ބުނެފި އެވެ.
ކޮވިޑް19ގެ ސަބަބުން ގިނަ ބައެއްގެ ދިރިއުޅުން ހުއްޓުމަކަށް އައިސްފައިވާ މި ދަނޑިވަޅުގައި ފިލްމު އިންޑަސްޓްރީތަކަކަށް ވެސް ބޮޑެތި ގެއްލުންތަކެއް ވަނީ ވެފައެވެ. އެހެންކަމުން ފިލްމު އިންޑަސްޓްރީގައި މަސައްކަތްކުރާ އެންމެންގެ ފީތައް ވެސް ކުޑަކުރަން ޖެހޭނެކަން ވަނީ އެނގިފަ އެވެ.
މި ކަމުން އަރައިގަނެވޭނެ ދުވަހެއް ނޭނގެ އެވެ. އަދި މިކަމުން އަރައިގަތުމަށް ގުރުބާނީތަކެއް ވެސް ވާން ޖެހޭ ކަމަށް ގިނަ ބަޔަކު ދަނީ އެއްބަސްވަމުންނެވެ.
ބޮލީވުޑްގެ މަޝްހޫރު ތަރި ކާރްތިކް އާރްޔަން ދާދި ފަހުން ވަނީ އިންޑިއާގެ ނޫހަކަށް އިންޓަވިއުއެއް ދީފައެވެ. މި އިންޓަވިއުގައި ފީ ކުޑަކުރުމާ މެދު ކާރްތިކް ޚިޔާލަކީ ކޮބައިތޯ ވަނީ ސުވާލުކޮށްފަ އެވެ.
މި ސުވާލަށް ޖަވާބުދެމުން ކާރްތިކް ބުނީ މި ކަމުން އަރައިގަނެވޭނެ ކޮންމެ ކަމަކަށް އޭނާ އެއްބަސް ކަމަށެވެ. އަދި ތައްޔާރަށް ހުރިކަމަށް ބުންޏެވެ.
ކާރްތިކް އިތުރަށް ބުނީ ފީ ކުޑަކޮށްފި ނަމަ އިންޑަސްޓްރީއަށް މިކަމުން އަރައިގަނެވޭނެކަމަށެވެ. އަދި އެންމެންވެސް މިކަމަށް އެއްބަސް ވާން ޖެހޭ ކަމަށް ކާރްތިކް ބުނެފަ އެވެ.
