ތިންވަނައަށް އެންމެ ގިނައިން ޕޮޒިޓިވް ކޭސް ރިޕޯޓްކުރުވުނު ގައުމަކަށް ރަޝިއާ
12 މެއި 2020 | އަންގާރަ 12:59ހޯމަ ދުވަހު ރަޝިއާއިން ވަނީ 11,656 ޕޮޒިޓިވް ކޭސް ރިޕޯޓްކޮށްފައި
ރަޝިއާގައި ފްރަންޓްލައިންގައި މަސައްކަތް ކުރާ މީހަކު އެމްބިއުލާންސް ކައިރީގައި ޕީޕީއީ އަޅައިގެން އިށީންދެގެން؛ ޔޫރަޕްގެ ދެވަނައަށް އެންމެ ގިނަ ޕޮޒިޓިވް ކޭސްތައް ރިޕޯޓްކޮށްފައިވަނީ ރަޝިއާއިން
11 ހާހަށްވުރެ ގިނަ މީހުން ޕޮޒިޓިވްވެ، ތިންވަނައަށް އެންމެ ގިނައިން ޕޮޒިޓިވް ކޭސް ފެނިފައިވާ ގައުމަކަށް ރަޝިއާ ވެއްޖެ އެވެ.
ހޯމަ ދުވަހު ރަޝިއާއިން ވަނީ 11,656 ޕޮޒިޓިވް ކޭސް ރިޕޯޓްކޮށްފައެވެ. މިއާއެކު ހޯމަ ދުވަހު ރަޝިއާގައި ޕޮޒިޓިވް ކޭސްތައް ހުރީ 221,344 ގައެވެ. އަންގާރަ ދުވަހުގެ އިރުއޮއްސުމާ ހަމައަށް އިތުރު 10،000 އަށްވުރެ ގިނަ ކޭސް ރިޕޯޓްކޮށްފައިވާއިރު، ޖުމްލަ ޕޮޒިޓިވްވި މީހުންގެ އަދަދު ވަނީ 232,243ށް އަރާފަ އެވެ.
މިއާއެކު ޔޫރަޕްގެ ގައުމުތަކުގެ ތެރެއިން ދެވަނައިގައި އުޅެނީ ރަޝިއާ އެވެ. ޔޫރަޕުން އެންމެ ގިނަ އަދަދެއްގެ ބަޔަކު ޕޮޒިޓިވްވެގެން ރިޕޯޓްކޮށްފައިވަނީ ސްޕެއިންގައެވެ. ސްޕެއިންގައި މިހާތަނަށް ސްޕެއިންއިން ވަނީ 269,520 މީހަކު ވަނީ ޕޮޒިޓިވްވެފައެވެ.
ރަޝިއާއިން ކޮވިޑް-19 ޖެހިގެން މިހާތަނަށް މަރުވެފައިވަނީ 2,116 މީހުންނެވެ. މިއީ ޔޫރަޕްގެ ބޮޑެތި ގައުމުތަކުގެ ތެރެއިން އަދި އެންމެ ޕޮޒިޓިވް ކޭސްތައް ގިނަ ގައުމުތަކުގެ ތެރެއިން އެންމެ މަދުން މީހުން މަރުވެފައިވާ ގައުމެވެ. ރަޝިއާގައި މިހާތަނަށް 43,512 ވަނީ ރަނގަޅުވެފައެވެ. އަދި 186،000ށް ވުރެ ގިނަ މީހުންނަށް ދަނީ ފަރުވާ ދެމުންނެވެ.
