ލޮކްޑައުން އާއެކު ސުނިލް ޝެޓީ މާޒީގެ ތެރެއަށް!
މިފަދަ ފޮޓޯތަކުން ހިތް ހަމަޖެހުން ގެނުވާ
އަމްނާ އިމާދު | 25 އެޕްރީލު 2020 | ހޮނިހިރު 17:02
ސުނިލް ޝެޓީގެ ދެދަރިން
ބޮލީވުޑްގެ މަޝްހޫރު ފިލްމީތަރި ސުނިލް ޝެޓީ އޭނާގެ ދެދަރިންގެ ކުޑައިރުގެ ފޮޓޯއެއް އާންމުކޮށްފިއެވެ.
ސުނިލް ޝެޓީ އިންސްޓަގްރާމްގައި އާންމުކުރީ އޭނާގެ ދެދަރިންގެ ކަމަށްވާ އަތިޔާ ޝެޓީއާ އަހާން ޝެޓީގެ ކުޑައިރުގެ ފޮޓޯއެކެވެ.
ސުނިލް ޝެޓީ އާންމުކުރި ފޮޓޯއަށް ގިނަ ބައެއްގެ ސަމާލުކަން ލިބިފައިވާއިރު، ސުނިލް ޝެޓީ ބުނެފައިވަނީ ލޮކްޑައުންގެ މިހާލަތުގައި މާޒީ މަތިން ވަރަށް ހަނދާންވާ ކަމަށާއި، މިފަދަ ފޮޓޯތަކުން ހިތް ހަމަޖެހުން ގެނުވާ ކަމަށެވެ.
އާތިޔާ ޝެޓީއަކީ މިހާރު ބޮލީވުޑްގެ ފިލްމުތައް ކުޅެ، މަޝްހޫރު ވަމުން އަންނަ ތަރިއެކެވެ.
ކޮވިޑް-19 ފެތުރެމުންދާތީ އިންޑިއާ ލޮކްޑައުން ކޮށްފައިވާ މިދަނޑިވަޅުގައި ބޮލީވުޑްގެ އެހެން ތަރިން ވެސް އެމީހުންގެ ކުރީގެ މާޒީ ފޮޓޯތައް ޝެއަރ ކޮށްފައިވެއެވެ.
