އިހުސާން ފިހާރައިގެ ދެމީހުން ޕޮޒިޓިވްވުމާ ގުޅިގެން މިނިސްޓަރު މަހުލޫފް ހޯމް އައިސޮލޭޝަނަށް!
20 އެޕްރީލު 2020 | ހޯމަ 13:05ވޮލެޓިއަރުންގެ ޓީމުގައި ހިމެނޭ އެންމެން ގޭގައި މަޑުކުރުމަށް އަންގާފައިވޭ
މިނިސްޓަރު މަހުލޫފް، ޓީމްގެ އެހެން މެމްބަރުންނާއެކު
އިހުސާން ފިހާރައިގައި މަސައްކަތްކުރާ ދެމީހުން ކޮވިޑް-19 އަށް ޕޮޒިޓިވްވުމާއި ގުޅިގެން ވޮލެންޓިއަރުންގެ މަސައްކަތްތައް ހުއްޓާލާ ގޭގައި ތިބުމަށް އަންގައިފިއެވެ.
ކޮވިޑް-19 އާ ގުޅިގެން މާލެސިޓީ ލޮކްޑައުން ކޮށްފައިވާތީ، ގޭގެއަށް ބޭނުންވާ ތަކެތި ފޯރުކޮށްދިނުމަށް ޔޫތް މިނިސްޓްރީން އިސްނަގާގެން ވޮލެޓިއަރުންގެ ޓީމެއް ވަނީ އެކުލަވާލާފައެވެ. އަދި ގޭގެއަށް ތަކެތި ފޯރުކޮށްދިނުމުގައި ޔޫތް މިނިސްޓަރު އަހުމަދު މަހުލޫފް ވެސް ބައިވެރިވެވަޑައިގެންނެވިއެވެ.
މާލެގެ ބޮޑެތި ފިހާރަތަކާ ގުޅިގެން މިމަސައްކަތް ކޮށްފައިވާއިރު، ވޮލެންޓިއަރުންގެ ޓީމުގައި ހިމެނޭ މީހުން އިހުސާން ފިހާރަ އާއި ރެޑްވޭވްގައި މަސައްކަތް ކޮށްފައިވެއެވެ. ނަމަވެސް އިހުސާން ފިހަރާގައި މަސައްކަތް ކުރާ ދެމީހަކު ޕޮޒިޓިވްވުމާ ގުޅިގެން މިނިސްޓަރު މަހުލޫފް ވިދާޅުވީ އެމައުލޫމާތު ލިބުމާއެކު އުސޫލާ އެއްގޮތަށް ވަގުތުން ވޮލެންޓިއަރުންގެ މަސައްކަތް ހުއްޓުވާލައި ގޭގައި މަޑުކުރުމަށް އަންގާފައިވާ ކަމަށެވެ.
މާލެސިޓީގެ ގިނަ ގެތަކުން ބޭނުން އޯޑަރުތައް ދިނުމާ ގުޅިގެން ޑެލިވަރީގެ ޚިދުމަތްތަކަށް ބުރޫއެރިއެވެ. އަވަސް ޚިދުމަތްތެއް ފޯރުކޮށްދިނުމަށް ފުލުހުންނާއި ސިފައިން މިމަސައްކަތުގައި ހަރަކާތްތެރިވިއެވެ.
