މާލެ ލޮކްޑައުން ކޮށްފައި އޮންނަ ވަގުތުގައި ޒަރޫރީ ކަންކަމުގައި ގުޅާނެ އިތުރު ނަންބަރުތަކެއް މާލެ ސިޓީ ކައުންސިލުން އާންމުކޮށްފި އެވެ.
މާލެ ސިޓީ ކައުންސިލާއި ފުލުހުން ގުޅިގެން ނެޝަނަލް އެމަރޖެންސީ އޮޕަރޭޝަން ސެންޓަރުގައި ބޭއްވި ނޫސްވެރިންގެ ބައްދަލުވުމުގައި ވާހަކަދައްކަވަމުން މާލެ ސިޓީ ކައުންސިލްގެ މޭޔަރު ޝިފާ މުހައްމަދު ވިދާޅުވީ ލޮކްޑައުންގެ ފުރަތަމަ 24 ގަޑި އިރުގެ ތެރޭގައި ހުރިހާ ފޯން ކޯލްތަކެއްގެ ލޯޑް ހިފަހެއްޓީ 1676 އަދި އަދި ޕޮލިހުން ދީފައި އޮތް ނަންބަރުން ކަމަށެވެ.
ނަމަވެސް ބުރާސްފަތި ދުވަހުގެ ހަވީރުން ފެށިގެން އައިސީޕީތަކުގެ ނަންބަރުތަކުން ގުޅޭނެކަމަށް ޝިފާ ވިދާޅުވި އެވެ.
އައިސީޕީ ނަންބަރުތަކަކީ؛
ސޯޝަލް ސެންޓަރ 9300904
ސަލްޓަންޕާކް 9300909
އެމްއެންޔޫ ބިޒްނަސް ސްކޫލް 9300910
މާލެ ސިޓީ އާންމު ހިދުމަތްތަކާއި ބެހޭ ބައި 9300916
ވިލިމާލެ 9300917
ހުޅުމާލެ އިންޑަސްޓްރިއަލް ސަރަހައްދު 9300918
ތިލަފުށި 9300924
ޝިފާ ވިދާޅުވީ މި ނަންބަރުތައް އިތުރުކުރީ އެކި ސަރަހައްދުތައް އަންނަ ކޯލްތަށް އިތުރަށް ނެގުމަށް ކަމަށެވެ. ޝިފާ ވިދާޅުވީ އެމަރޖެންސީ އަދި ޒަރޫރީ ބޭނުމެއްގައި ނޫނީ ނަންބަރުތަކަށް ނުގުޅުމަށާއި، ކަމެއް ސާފުކުރަން ބޭނުންވާނަމަ ނަންބަރުތަކަށް އެސްއެމްއެސް ކުރައްވަމުން ގެންދިއުމަށް އެދިވަޑައިގެންނެވި އެވެ.
