އަޖޭގެ ތަންހާޖީ، 200 ކްރޯޑް ކްލަބާ ދިމާލަށް

މި މަހުގެ 10 ވަނަ ދުވަހު ރިލީޒްކުރި އަޖޭ ދޭވްގަންގެ ''ތަންހާޖީ'' އަށް 166 ކްރޯޑް ރުޕީސްގެ އާމްދަނީ އެއް ހޯދައި 200 ކްރޯޑް ކްލަބާއި ދިމާލަށް މިސްރާބު ޖަހައިފިއެވެ.

ތަންހާޖީ އަކީ އަޖޭގެ ފިލްމީ ކެރިއަރުގެ 100 ވަނަ ފިލްމަށްވާއިރު، މިއީ އަޖޭގެ ފިލްމަކަށް 100 ކްރޯޑް ރުޕީސް ލިބުނު ދެވަނަ ފިލްމެވެ. އަޖޭގެ ފިލްމަށް ބޮކްސް އޮފީހުގައި ލިބުނު އާމްދަނީ ޓްވިޓާގައި ހިއްސާކުރަމުން ޓްރޭޑް އެނަލިސް ތަރަން އަދާރަޝް ބުނީ، ފިލްމު ރިލީޒްކުރިތާ ނުވަ ވަނަ ދުވަހާ އަޅައިކިޔާއިރު ފުރަތަމަ ދުވަހަށްވުރެ ބޮޑު ކަމަށެވެ.

އެ ފިލްމަށް ދެވަނަ ހަފްތާގައި އަކްޝޭގެ ''ގުޑް ނިއުޒް'' އަށްވުރެ ރަނގަޅު އާމްދަނީއެއް ލިބިފައިވާ ކަމަށް ތަރަން ބުންޏެވެ. ތަނާޖީ އަށް ހުކުރު ދުވަހު 10 ކްރޯޑް ރުޕީސް ލިބިފައިވާިއރު، ހޮނިހިރު ދުވަހު ލިބުނީ 16 ކްރޯޑް އެވެ. އަދި ހޮނިހިރު ދުވަހު 21 ކްރޯޑް ހޯދާފައިވާއިރު، ހަފްތާތެރޭގައި ލިބުނީ 47.72 ކްރޯޑް އެވެ.

ބޮކްސްއޮފީސް.އިންޑީއާގައި ރިޕޯޓްކޮށްފައިވާ ގޮތުން މި ފިލްމު އެންމެ ރަނގަޅަށް ހިނގާފައިވަނީ މަހަރާޝްތްރަ ސްޓޭޓް އަދި ޝައުރަތްޝްރާ ގައެވެ،

ތަންހާޖީ ފިލްމަކީ ޗައްތަރަޕަތީ ޝިވާޖީ މަހަރާޖާ މަރާތާ ސިފައިންގެ ފައުޖުގައި އުޅުނު ތޫނުފިލި ލީޑަރެއް ކަމަށްވާ ތަނާޖީ މަލުސޭރްގެ ހަޔާތަށް ބިނާކޮށް ހަދާ ފިލްމެކެވެ. އެފަދަ ފިލްމެއް ހަދަން އަޖޭ ނިންމީ ތަންހާޖީ ބެހޭ މާ ގިނަ މައުލޫމާތުތަކެއް ފޮތްތަކުގައި ނެތުމުންނެވެ.

ކުރީ ޒަމާނުގައި ހިނގާފައިވާ ހާދިސާގެ މައްޗަށް ބިނާކޮށް ފިލްމުތައް ހެދުމަކީ މިހާރު ބޮލީވުޑްގައި މަޝްހޫރު ޓްރެންޑެކެވެ. އެކަމަކު އަޖޭ ބުނީ، އެ ފިލްމު ހަދަން ނިންމީ އެއްވެސް ގޮތަކަށް ޓްރެންޑަކަށް ބަލައިގެނެއް ނޫން ކަމަށެވެ.