13 އަހަރުގެ ކުއްޖާ ވިހެއި މައްސަލަ: ބެލެނިވެރިންގެ މައްޗަށް ދައުވާކޮށްފި
އެކެއްގެ މައްޗަށް 4 ދައުވާ އުފުލާފައިވޭ
ކްރިމިނަލް ކޯޓް
ރ. މަޑުއްވަރީގައި އުމުރުން 13 އަހަރުގެ ކުއްޖަކު ބަލިވެ އިނދެ އެ ކުއްޖާ ވިހެއި މައްސަލައާއި ގުޅިގެން އެ ކުދިންގެ ބެލެނިވެރިންގެ މައްޗަށް ދަޢުވާ ކުރުމަށް ކްރިމިނަލް ކޯޓަށް ހުށައަޅައިފިއެވެ.
އެކަމާ ގުޅޭގޮތުން ޕްރޮސެކިއުޓަރ ޖެނެރަލް އޮފީހުން ބުނީ، 13 އަހަރުގެ ކުއްޖަކު ވިހެއި މައްސަލައިގަ އެކުއްޖާގެ 2 ބެލެނިވެރިންގެ ތެރެއިން އަންހެންމީހާގެ މައްޗަށް 4 ދަޢުވާ އުފުލާފައިވާ ކަމަށާއި، ފިރިމީހާގެ މައްޗަށް އެއް ދަޢުވާކޮށް އަންގާރަ ދުވަހު ކުރިމިނަލް ކޯޓަށް ހުށައަޅާފައިވާ ކަަމަށެވެ.
އަންހެން މީހާގެ މައްޗަށް ހުށައަޅާފައިވާ ދައުވާތައް:
އޭގެ އިތުރުން، ފިރިހެން މީހާގެ މައްޗަށް ވަނީ ޤާނޫނުލްޢުޤޫބާތުގެ 533 ވަނަ މާއްދާގެ (ހ) ގެ ދަށުން ޤާނޫނު ހިންގުމަށް ހުރަސް އެޅުމާއި ދައުލަތުގެ އެހެނިހެން މަސައްކަތްތައް ހުރަސްއެޅުމުގެ ކުށުގެ ދައުވާ ކޮށްފައެވެ.
އެ މައްސަލައާއި ގުޅިގެން ކްރިމިނަލް ކޯޓުން ވަނީ 13 އަަހަރުގެ ކުއްޖާގެ ބެލެނިވެރިން ޝަރުތުތަކާއެކު ދޫކޮށްލާފައެވެ.
13 އަހަރުގައި ބަލިވެ އިނދެ އެ ކުއްޖާ ވިހެއިކަން ހާމަވީ، ރ. މަޑުއްވަރީ ޒުވާނަކަށް ލަނޑާ ނަގާ ދޯންޏެއްގައި ވަޅިން ޙަމަލާދީ މަރާލަން އުޅުނު މައްސަލައިގެ ތެރެއިންނެވެ.
އެގޮތުން އެކުއްޖާ ވިހެއި މައްސަލައިގަ ބެލެނިވެރިންގެ މައްޗަށް ދަޢުވާ ކުރުމަށް ކޯޓަށް ހުށައަޅާފައިވާއިރު، އެ ޢާއިލާގައި ހިމެނޭ ކުދިންނަށް ލިބެންޖެހޭ ޢަސާސީ ޙައްޤުތަކުން މަޙުރޫމުކޮށް އެ ކުދިންނަށް އިހުމާލު ވަމުންދާކަމަށް ބުނެ، އެ މައްސަލައިގަ ހައްޔަރުކޮށްފައިވަނީ 36 އަހަރުގެ އަންހެނަކާއި، 47 އަހަރުގެ ފިރިހެނެއްކަމަށް ފުލުހުން ވަނީ ބުނެފައެވެ.
