އަންނަ އަހަރު ފަތުރުވެރިކަމާއި ބެހޭ 20 ގަވާއިދެއް މުރާޖާކޮށް، އިސްލާހު ކުރާނެ: އަލީ ވަހީދު
18 ޑިސެމްބަރު 2019 | ބުދަ 14:10އިސްލާހު ގެންނަނީ ފަތުރުވެރިކަމުގެ ސިނާއަތަށް ދިމާވާ މައްސަލަތަކަށް ހައްލު ކުރުމަށް
ޓުއަރިޒަމް މިނިސްޓަރ އަލީ ވަހީދު
އަންނަ އަހަރު ފަތުރުވެރިކަމާއި ބެހޭ 20 ޤަވާއިދެއް މުރާޖާޢާކޮށް، އިޞްލާޙު ކުރާނެ ކަމަށް ޓޫރިޒަމް މިނިސްޓަރ އަލީ ވަހީދު ވިދާޅުވެއްޖެއެވެ.
އަންގާރަ ދުވަހުގެ ރޭ ބޭއްވި ' ބުރަބި' ޖަލްސާގައި ވާހަކަދައްކަވަމުން މިނިސްޓަރ ވަނީ އަންނަ އަހަރު ކުރުމަށް ޢަމާޒު ކަނޑައަޅާފައިވާ ކަންތައްތައް ޙިއްސާކުރައްވާފައެވެ. އެގޮތުން މިނިސްޓަރ ވިދާޅުވީ ޖުމުލަ 20 ޤވާއިދެއް މުރާޖަޢާކޮށް، އިޞްލާޙު ގެނެވޭނެ ކަމަށެވެ.
މިނިސްޓަރ ވިދާޅުވީ މި ޤަވާއިދުތަކަށް އިޞްލާޙު ގެންނަނީ ފަތުރުވެރިކަމުގެ ސިނާޢަތަށް ދިމާވާ މައްސަލަތަކަށް ޙައްލު ކުރުމަށް ކަމަށާއި މި އިންޑަސްޓްރީއަށް އިންވެސްޓުކޮށްފައި ތިބި ފަރާތްތަކާއި އިންވެސްޓު ކުރާނޭ ފަރާތްތަކަށް ފަސޭހަވާނެ ގޮތްތައް މަގުފަހިކުރުމުގެ ބޭނުމުގައި ކަމަށެވެ. އަލީ ވަހީދު ވިދާޅުވީ ރާއްޖޭގެ ރައްޔިތުންގެ އިހުސާސުތަކާއި އެއްގޮތަށް ޤަވާއިދުތައް ބައްޓަން ކުރުން މުހިއްމުކަމަަށެވެ.
