2020 ވަނަ އަހަރު އިތުރު ހަ ދުވަހެއް، ސަރުކާރު ބަންދު ދުވަސްތަށްގޮތުގައި ރައީސް އިބްރާހިމް މުހައްމަދު ސޯލިހް ކަނޑައަޅުއްވައިފި އެވެ.

ޖެނުއަރީ މަހުގެ 2 ވަނަ ދުވަސް ބަންދުކުރުމާއެކު، ސަރުކާރު މުވައްޒިފުންނަށް ހަތަރު ދުވަހުގެ ޗުއްޓީއެއް ލިބޭނެ އެވެ. އަދި ޖުލައި މަހުގެ 28، 29 ވަނަ ދުވަސް ބަންދުކުރުމާއެކު 6 ދުވަސް ބަންދުގެ ގޮތުގައި ލިބޭނެ އެވެ. އަދި ޖުލައި 30 ވާ ބުރާސްފަތި ދުވަހު މަސައްކަތް ކުރުމަށްފަހު، ހަފްތާ ބަންދު ދެ ދުވަހާއެކު ސަރުކާރު މުވައްޒިފުންނަށް މިނިވަން ދުވަހާއި ގުޅިގެން 8 ދުވަހުގެ ޗުއްޓީއެއް ލިބޭނެ އެވެ.

ނޮވެމްބަރު މަހުގެ 12 ވަނަ ދުވަސް ބަންދުކުރުމާއެކު ސަރުކާރު މުވައްޒިފުންނަށް ޖުމްހޫރީ ދުވަހާއިި ގުޅުވައި، 4 ދުވަހުގެ ޗުއްޓީއެއް ލިބޭނެ އެވެ. އޭގެއިތުރުން ބަންދު ދުވަސްތައްކަމުގައި ހަމަޖެއްސި މެއި 27، 28 އަކީ ކުޑަ އީދު ބަންދަށް އިތުވާ ދުވަސްތަކެކެވެ.