އެމްޑީޕީގެ ނައިބު ރައީސްގެ މަޤާމަށް ދެވަނަ ދައުރަކަށް ޝިފާޒް!
22 ނޮވެމްބަރު 2019 | ހުކުރު 20:59އިންތިޚާބުގައި ޖުމްލަ 87439 މީހުން ވޯޓްލުމަށް ރަޖިސްޓްރީކޮށްފައިވޭ
އެމްޑީޕީގެ ނައިބް ރައީސް މުހައްމަދު ޝިފާޒް
މޯލްޑިވިއަން ޑިމޮކްރެޓިކް ޕާޓީ (އެމްޑީޕީ)ގެ ހުސްވެފައިވާ ނައިބް ރައީސް ކަމުގެ މަޤާމަށް އެޕާޓީގެ ކުރީގެ ނައިބް ރައީސް މުހައްމަދު ޝިފާޒް އިންތިޚާބުވެ ވަޑައިގެންފިއެވެ.
ޝިފާޒް ނައިބް ރައީސްގެ މަޤާމަށް އިންތިޚާބުވެ ވަޑައިގެންފައި މިވަނީ ރައްޔިތުންގެ މަޖިލީހުގެ ހިތަދޫ އުތުރު ދާއިރާގެ މެންބަރު މުޙައްމަދު އަސްލަމް އާއި ވާދަ ކުރައްވައިގެންނެވެ.
އެމްޑީޕީގެ ރައީސްގެ މަޤާމަށް ވާދަ ކުރައްވާފައިވަނީ ކުރީގެ ރައީސް އަދި އެމްޑީޕީގެ މިހާރުގެވެސް ރައީސް މުހައްމަދު ނަޝީދެވެ.
އެމްޑީޕީގެ ރައީސާއި ނައިބް ރައީސްގެ މަޤާމަށް މީހުން ހޮވުމަށް ބޭއްވި އިންތިޚާބުގެ ވޯޓުލުން ބާއްވާފައިވަނީ ހުކުރު ދުވަހު 2:00 އިން 7:00 އަށެވެ.
މި އިންތިޚާބުގައި ޖުމްލަ 87439 މީހުން ވޯޓްލުމަށް ރަޖިސްޓްރީކޮށްފައިވާ ކަމަށް އެމްޑީޕީން މައުލޫމާތު ދެއެވެ.
މޯލްޑިވިއަން ޑެމޮކްރެޓިކް ޕާޓީ (އެމްޑީޕީ) އަކީ ދިވެހިރާއްޖޭގައި އުފެދުނު އެންމެ ފުރަތަމަ ސިޔާސީ ޕާޓީއެވެ. އެގޮތުން ދިވެހިރާއްޖޭގެ އެންމެ ފުރަތަމަ ސިޔާސީ ޕާޓީގެގޮތުގައި އެމްޑީޕީ ރަޖިސްޓްރީކުރެވުނީ 23 ޖޫން 2005 ގައެވެ. އަދި މިއީ ދިވެހިރާއްޖޭގެ އެންމެ ބޮޑު ސިޔާސީ ޕާޓީވެސް މެއެވެ.
