ބިދޭސީއަކު ރަހީނު ކުރި މައްސަލަ ބަލަނީ
30 ސެޕްޓެމްބަރު 2019 | ހޯމަ 12:08އެއީ 34 އަހަރުގެ ފިރިހެނެއް
އަމްނާ އިމާދު | 30 ސެޕްޓެމްބަރު 2019 | ހޯމަ 12:08
މާލޭގައި މަސައްކަތް ކުރާ ބިދޭސީންތަކެއް
ރާއްޖޭގައި އުޅެމުން އައި ބަންގްލަދޭޝްގެ މީހަކު ރަހީނު ކުރި މައްސަލަ ފުލުހުން ބަލަން ފަށައިފިއެވެ.
ފުލުހުން ބުނީ އާދިއްތަ ދުވަހު މެންދުރު ފަހު 2:45 ހާއިރު ބަންގްލަދޭޝްގެ ފިރިހެނަކު ރަހީނު ކޮށްގެން އުޅޭ ކަމުގެ ރިޕޯޓު ލިބިފައިވާ ކަމަށެވެ. އަދި އެ ރިޕޯޓާއެކު އެމީހާ ހޯދަން މަސައްކަތް ފެށި ނަމަވެސް އޭގެ އެއް ދުވަސް ފަހުން، ރަހީނު ކުރި މީހުންގެ ކިބައިން އެ މީހާ އަމިއްލައަށް ސަލާމަތްވެފައިވާ ކަމަށެވެ.
މީގެ އިތުރުން ފުލުހުން ބުނީ 34 އަހަރުގެ ފިރިހެން މީހާ ފުލުހުންގެ އިދާރާއަށް ހާޒިރުވެ މިހާދިސާ ހިނގާފައިވާ ގޮތް ކިޔާދީފައިވާ ކަމަށެވެ.
މި މައްސަލާގައި މިހާތަނަށް އެއްވެސް މީހަކު ހައްޔަރުކޮށްފައިނުވާއިރު ފުލުހުން ދަނީ މި މައްސަލަ އިތުރަށް ތަހުގީގު ކުރަމުންނެވެ.
