ކޮރެޔާ ފިލްމު ''ބްލައިންޑް'ގެ ހިންދީ ރީމޭކް ގައި ސޯނަމް

ދެހާސް އެގާރަ ވަނަ އަހަރު ނެރެފައިވާ ކޮރެޔާ ފިލްމު ''ބްލައިންޑް''ގެ ހިންދީ ރީމޭކް ހެދުމުގެ މަސައްކަތް ފަށައިފިއެެވެ.

ބޮލީވުޑް ރިޕޯޓްތައް ބުނާ ގޮތުން ސުޖޯއި ގޯޝްގެ ޕްރޮޑަކްޝަނުން އުފައްދާ އެ ފިލްމުގެ ލީޑް ރޯލް ކުޅެން ސޯންމަ އަށް ވަނީ ހުށައަޅާފައެވެ.

މަޝްހޫރު ވިއަކޮމްއިން ޕްރޮޑިއުސްކުރާ އެ ފިލްމު އެސޯސިއޭޓް ޑައިރެކްޓަރުގެ ގޮތުގައި ހަރަކާތްތެރިވާނީ، ބަދްލާ، ތީން އަދި ޒިންދާ ބާދްގައި މަސައްކަތް ކޮށްފައިވާ ޝޯމް މަޖްހިކާއެވެ. އެ ފިލްމާއި ބެހޭ ގޮތުން މައުލޫމާތު ދިން މީހަކު އިންޑިއާގެ ނޫހަކަށް ދިން އިންޓަވިއުއެއްގައި ބުނީ، މިހާރު ކުރަމުންދާ މަސައްކަތަކީ ފިލްމުގެ ހެދުމުގެ މަސައްކަތް ކަމަށާއި، ފިލްމު ރިލީޒް ކުރާނެ ތާރިހެއް ފަހުން އިއުލާން ކުރަން ހަމަޖެހިފައިވާ ކަމަށެވެ.

މިއަހަރު މިހާތަނަށް ނެރެފައިވަނީ ސޯނަމްގެ ދެ ފިލްމެވެ. އެއީ ބައްޕަ އަނިކް ކަޕޫރްއާ އެކު ކުޅެފައިވާ ފިލްމު އޭކް ލަޅްކީކޯ ދޭކާ އޭސާ ލާގާ އާއި މަލަޔަޅަމް އެކްޓަރު ދުލްކުއެރް ސަލްމާން އާ އެކު ކުޅެފައިވާ ޒޯޔާ ފެކްޓަރ އެވެ. އެ ދެ ފިލްމަށްވެސް ބޮކްސް އޮފީހުގައި އެކަށީގެންވާ ވަރުގެ އާމްދަނީ އެއް ނުލިބެއެވެ.