ޔޫއެސް އޯޕަން 2019: މެޑްވިއަޑެވް ބަލިކޮށް ނަޑާލް ޗެމްޕިއަންކަން ހޯދައިފި
9 ސެޕްޓެމްބަރު 2019 | ހޯމަ 14:29ނަޑާލް ޗެމްޕިއަންކަން ހޯދީ ފައިނަލުގައި މެޑްވިއަޑެވް ބަލިކޮށްގެން
ރަފައެލް ނަޑާލް
ޔޫއެސް އޯޕަން 2019 ގައި ރަޝިއާގެ ޑެނިއަލް މެޑްވިއަޑެވް ބަލިކޮށް ސްޕެއިންގެ ރަފައެލް ނަޑާލް މުބާރާތުގެ ޗެމްޕިއަންކަން ހޯދައިފި އެވެ.
ފޯރިގަދަ ކުޅުމަކަށްފަހު މުބާރާތުގެ ޗެމްޕިއަންކަން އުމުރުން 33 އަހަރުގެ ނަޑާލް ހޯދީ ފައިނަލްގައި ތިން ސެޓް ދެ ސެޓުން މެޑްވިއަޑެވް ބަލިކޮށްގެންނެވެ.
ދުނިޔޭގެ ދެވަނައަށް ސީޑުކޮށްފައިވާ ނަޑާލް ފުރަތަމަ ދެ ސެޓު 5-7 އަދި 3-6 އިން ގެންދިޔަ ނަމަވެސް ޖެހިގެން އައި ދެ ސެޓު 5-7 އަދި 4-6 ގެ ނަތީޖާއަކުން މެޑްވިއަޑެވް ވަނީ ކާމިޔާބު ކޮށްފައެވެ. ނަތީޖާ ނެރުމަށް ކުޅުނު ފަސްވަނަ ސެޓް ނަޑާލް ކާމިޔާބުކުރީ 4-6 ގެ ނަތީޖާއަކުންނެވެ.
މެޗަށްފަހު ނަޑާލް ބުނީ، މިއީ ކެރިޔަރަށް ބެލިޔަސް ވަރަށް ތާރީހީ ފައިނަލެއް ކަމަށާއި، މި ފައިނަލް ވަރަށް ހާއްސަ ކަމަށެވެ.
މެޗަށްފަހު އުމުރުން 23 އަހަރުގެ މެޑްވިއަޑެވް ބުނީ، ނަޑާލްއަށް މަރުހަބާ ކިޔާ ކަމަށާއި، އޭނާ މެޗުގައި ދެއްކި ކުޅުމަށް ތައުރީފް ހައްގު ކަމަށެވެ.
މި ޓައިޓަލްއާއެކު ނަޑާލްގެ ކެރިޔަރުގައި އޭނާ ކާމިޔާބުކުރި 19 ވަނަ ގްރޭންޑް ސްލޭމް މުބާރާތެވެ.
