ސައުދީ އަރަބިއާގެ ހޮސްޕިޓާލިޓީ ދާއިރާގެ ބައެއް ވަޒީފާތަކުގައި ބިދޭސީންނަށް އުޅުން މަނާ!
29 ޖުލައި 2019 | ހޯމަ 12:58މިގޮތަށް ނިންމާފައިވަނީ އެ ގައުމުގެ ލޭބާރ މިނިސްޓްރީއިން ހުކުރު ދުވަހު ނެރުނު ބަޔާނެއްގަ
ސައުދީ އަރަބިއާގެ ދިދަ
ސައުދީ އަރަބިއާގެ ހޮސްޕިޓާލިޓީ ދާއިރާގެ ބައެއް ވަޒީފާތަކުގައި އެ ގައުމުގެ ރައްޔިތުންނަށް މަސައްކަތް ނުކުރެވޭގޮތަށް އެ ގައުމުން ނިންމައިފިއެވެ. މިގޮތަށް ނިންމާފައިވަނީ އެ ގައުމުގެ ލޭބާރ މިނިސްޓްރީއިން ހުކުރު ދުވަހު ނެރުނު ބަޔާނެއްގައެވެ.
ރިސޯޓުތަކާއި ތިން ތަރިއަށް ވުރެ މަތީގެ ހޮޓަލްތަކާއި ހަތަރު ތަރިއަށް ވުރެ މަތީގެ ހޮޓަލް އެޕާޓްމެންޓް ތަކުގެ ރިސެޕްޝަން ގެ ވަޒީފާ އިން ފެށިގެން އެންމެ އިސް މެނޭޖްމެންޓް ގެ ވަޒީފާތަށްވެސް އެ ގައުމުގެ ރައްޔިތުންނަށް ނޫނީ މަސައްކަތްނުކުރެވޭ ގޮތަށް ވަނީ ނިންމާފައެވެ.
ރެސްޓޯރެންޓް ހޯސްޓާއި ހެލްތް ކްލަބް ސުޕަވައިޒަރ ފަދަ މަގާމުތަކުގައި އެ ގައުމުގެ ރައްޔިތުންނަށް ވަޒީފާ އަދާ ކުރުން ވަނީ މަނާ ކޮށްފައެވެ.
ސައުދީ ސަރުކާރުން މި ގޮތަށް ނިންމާފައިވަނީ 2018 ވަނަ އަހަރު އެ ގައުމުގެ ވަޒީފާ އަދާ ނުކުރާ ރައްޔިތުންގެ އަދަދު 13 އިންސައްތަ އިން މަތިވުމާއި ގުޅިގެންނެވެ.
މިގޮތަށް އުސޫލުތަށް ކަނޑައަޅާފައިވަނީ ބިދޭސީންނަށް އޮންނަ ޑިމާންޑް ކުޑަކުރުމަށާއި އެ ގައުމުގެ ރައްޔިތުންނަށް މި ދާއިރާއިން ވަޒީފާގެ ފުރުސަތު އިތުރަށް މަގުފަހި ކުރުމަށްޓަކައެވެ.
