ދ. މާއެނބޫދޫ ސްކޫލްގެ ކުތުބުޚާނާ ތަރައްގީ ކޮށްފި
ކުތުބުޚާނާ ހުޅުވިގެންދިޔައީ ހުކުރު ދުވަހުގެ ހަވީރުގެ ވަގުތެއްގަ
ދ. މާއެނބޫދޫ ސްކޫލްގެ ކުތުބުޚާނާ
ދ. މާއެނބޫދޫ ސްކޫލްގައި 700 އަށް ވުރެ ގިނަ ފޮތްތަކާއެކު އެ ސްކޫލްގެ ކުތުބުޚާނާ ތަރައްގީ ކޮށްފިއެވެ.
ކުތުބުޚާނާ ހުޅުވިގެންދިޔައީ ހުކުރު ދުވަހުގެ ހަވީރުގެ ވަގުތެއްގައެވެ.
މާއެނބޫދޫ ސްކޫލްގެ ކުތުބުޚާނާ ތަރައްގީ ކުރެވިގެން ދިޔައީ ދެމެހެއްޓެނެވި ގޮތެއްގައި ރަށްރަށުގައި ހިންގުމަށް ބޭނުންވާ ޕްރޮޖެކްޓްތަކަށް އެހީތެރިވުމުގެ ގޮތުން ބޭންކް އޮފް މޯލްޑިވްސް އިން ތައާރަފް ކުރި 'އަހަރެންގެ ބޭންކް ކޮމިއުނިޓީ ފަންޑު' ގެ ދަށުންނެވެ.
އެގޮތުން މާއެނބޫދޫ ސްކޫލްގެ ކުތުބުޚާނާ ތަރައްގީ ކުރުމަކީ މި ފަންޑްގެ ދަށުން ކުރިއަށް ދިޔަ ދެވަނަ ޕްރޮޖެކްޓެވެ.
މި ދިޔަ އަހަރުވެސް ބީއެމްއެލް އިން ވަނީ "އަހަރެންގެ ބޭންކް" ގެ ދަށުން މުޖުތަމައަށް އެހީތެރިވުމަށް ހިންގަމުންދާ 300 މިލިއަން ރުފިޔާގެ އިންވެސްޓްމަންޓް ޕްރޮގްރާމެއް ވެސް ކުރިޔަށް ގެންގޮސްފައެވެ.
