މޯލްޑިވްސް - ތައިލެންޑް ބިޒްނެސް މެޗިންގް ފޯރަމް ބާއްވައިފި

ތައިލެންޑާއި ރާއްޖެއާ ގުޅިގެން ބާއްވާ ތައިލެންޑް މެޗިންގ ފޯރަމް ފަށައިފި އެވެ.

ދަރުބާރުގޭގައި ކުރިއަށްގެންދާ މި ފޯރަމްގެ ފުރަތަމަ ސެޝަން ކުރިއަށްގެންދިޔައީ ހެނދުނު 10:00 މެންދުރު 12:00 އަށެވެ. ދެވަނަ ފޯރަމް ކުރިއަށް ދާނީ މެންދުރު 14:00 ން ހަވީރު 16:00 ގެ ނިޔަލަށެވެ.

މި ފޯރަމްގައި ދިވެހި ވިޔަފާރިވެރިންގެ އިތުރުން ތައިލެންޑްގެ ވިޔަފާރިވެރިން ބައިވެރިވެފައިވެއެވެ. އެގޮތުން ތައިލެންޑްގެ 23 ވިޔަފާރިއަކުން މި ފޯރަމްގައި ބައިވެރިވެފައިވެއެވެ.

އެއް ދުވަހުގެ ނިޔަލަށް ކުރިއަށްގެންދާ މި ފޯރަމްގެ ސްޓޯލްތަކުގައި ބައިވެރިވި ވިޔަފާރިވެރިންގެ ތަފާތު ވައްތަރުތަކުގެ އުފެއްދުންތައް ދައްކާލާފައިވެއެވެ. އެގޮތުންް ރީތިވާ އެއްޗެހީގެ އިތުރުން ކެއުމަށް ބޭނުންކުރާ އެއްޗެހި އަދި ގޭތެރޭގައި ހިފާ ގެންގުޅުމަށް ބޭނުންކުރާ އެއްޗެއް ސްޓޯލްތަކުން ދައްކާލައިފައިވެއެވެ.

މިނިސްޓާރ އޮފް އިކޮނޮމިކް ޑިވެލޮޕްމެންޓް ފައްޔާޒް އިސްމާއިލް ފޯރަމަށް ވަޑައިގެން، ވިޔަފާރިތަކުގެ މައުލޫމާތު އޮޅުން ފިލުއްވިއިރު، މި ފޯރަމަކީ ތައިލެންޑްގެ އެމްބަސީ އާއި އިކޮނޮމިކް މިނިސްޓްރީ ގުޅިގެން ކުރިއަށްގެންދިޔަ ފޯރަމެކެވެ.

މި ފޯރަމްގެ ބޭނުމަކީ ރާއްޖެއާއި ތައިލެންޑްގެ ވިޔަފާރިތައް ގުޅާލުމެވެ.