ދިއްދޫގެ ފުޓްސަލް ދަނޑަށް ގެއްލުންދިން މައްސަލަ ބަލަން ފަށައިފި
13 ޖޫން 2019 | ބުރާސްފަތި 18:57މިމައްސަލަ ބަލަނީ ފުލުހުންގެ އިސްނެގުމުގެ މަތިން
ދިއްދޫ ފުޓްސަލް ދަނޑަށް ގެއްލުންދީފައި
ހއ. ދިއްދޫގައި ބޭއްވި ކައުންސިލް ފުޓްސަލް މުބާރާތުގައި ދެ ޓީމެއްގެ ދެމެދުގައި ހިނގި ހަމަނުޖެހުމެއްގައި އެރަށުގެ ފުޓްސަލް ދަނޑަށް ގެއްލުންދިން މައްސަލަ ފުލުހުން ބަލަން ފަށައިފިއެވެ.
ފުލުހުން ބުނީ، ދިއްދޫގައި ކުރިއަށް ދިޔަ ފުޓްބޯޅަ މުބާރާތެއްގައި ކުޅުނު ފުޓުބޯޅަ މެޗުގެ ހިނގި ހަމަނުޖެހުމުގައި ދައުލަތުގެ މުދަލަށް ގެއްލުން ދިން މައްސަލަ ބަލަމުން އަންނަ ކަމަށެވެ. އަދި މިމައްސަލަ ބަލަމުން އަންނަނީ ފުލުހުންގެ އިސްނެގުމެއްގެ މަތިން ކަމަށް ފުލުހުން ބުންޏެވެ.
މިމަހުގެ 10 ވަނަ ދުވަހުގެރޭ 11 ޖެހިއިރު ކުޅުނު މެޗެއްގައި ހިނގި ހަމަނުޖެހުމުގައި ދެ ޓީމްގެ ކުޅުންތެރިންނާ ސަޕޯޓަރުން ވަނީ ދަނޑުގެ މެޓްތަކަށް ވަރަށް ބޮޑަށް ގެއްލުންދީފައެވެ.
މިފުޓްސަލް ދަނޑަށް ގެއްލުން ދީފައިވާ ފޮޓޯތައް ވަނީ ސޯޝަލް މީޑިއާގައި ދައުރުވެފައެވެ.
