ބިދޭސީއަކަށް ވަޅިން ބިރު ދައްކާ ފޭރެން އުޅުނު މީހަކު ހައްޔަރުކޮށްފި
12 ޖޫން 2019 | ބުދަ 08:13އޭނާއަކީ އުމުރުން 26 އަހަރުގެ ފިރިހެނެއް
ޝަރޫނާ އަބްދުﷲ | 12 ޖޫން 2019 | ބުދަ 08:13
ޝަހީދު ހުސައިން އާދަމް ބިލްޑިންގ
ބިދޭސީއަކަށް ވަޅިން ބިރު ދެއްކުމަށްފަހު ފައިސާތަކެއް ފޭރިގަނެގެން ފިލަން އުޅުނު މީހަކު ހައްޔަރުކޮށްފިއެވެ.
އެ މީހާ ހައްޔަރުކޮށްފައިވަނީ، ބުދަ ދުވަހު ހެނދުނު 7:57 ހާއިރު ފާށަނާ ކިލެގެ މަގުން ހިނގާފައި ދިޔަ ބިދޭސީއަކަށް ބިރުދެއްކުމަށްފަހު ފައިސާތަކެއް ފޭރިގަނެގެން ފިލަން އުޅެނިކޮށް، އެ ސަރަހައްދުގައި ހަރަކާތްތެރިވަމުން ދިޔަ ފުލުހަކަށް ފެނިގެން ކަމަށް ފުލުހުން ވަނީ މައުލޫމާތު ދީފައެވެ.
ބިދޭސީ މީހާ އަތުން ފޯނުގެ އިތުރުން 1،000ރ ފޭރިގަނެފައިވަނީ އުމުރުން 26 އަހަރުގެ ފިރިހެނެއް ކަމަށް ފުލުހުން ބުނެއެވެ. އަދި އެ މައްސަލަ ތަހުގީގު ކުރަމުންދާކަމަށްވެސް ފުލުހުން ބުނެއެވެ.
