ބުރާސްފަތި 27 ޖޫން 2019
11 އަދަ
1440 ޝައްވާލް 23
ފަތިސް 04:38
އިރުއަރާ 05:56
މެންދުރު 12:13
އަސްރު 15:37
މަޣްރިބް 18:22
އިޝާ 19:40
ރާއްޖެ - ނެޝަނަލް އާރޓް ގެލަރީ

ތިމާވެއްޓަށް އައިސްފައިވާ ބަދަލުތައް ދައްކުވައިދޭ މައުރަޒެއް ފަށައިފި

  • މައުރަޒް ހުޅުވައިދެއްވީ ނައިބް ރައީސް
  • މައުރަޒް ކުރިޔަށް ދަނީ ތިން ދުވަހުގެ މުއްދަތަށް
  • ހާއްސަ ޕްރެޒެންޓޭޝަނެއް ވަނީ ދީަފއި

އަލީ ސަމާޚް
AliSamah8

ކ. މާލެ 11 ޖޫން 2019 | އަންގާރަ 23:50 2,443

ނައިބް ރައީސް ފައިސަލް މައުރަޒުގެ ފޮޓޯއެއް ބައްލަވާލަނީ، އަރިހުގައި ގައުމީ އަރުޝީފްގެ ޑިރެޖްޓަރ ޝާތިރު - ރައީސް އޮފީސް

މި އަހަރުގެ ދުނިޔޭގެ ތިމާވެށީގެ ދުވަސް ފާހަގަކުރުމަށް ކުރިއަށް ގެންދާ ހަރަކާތެއްގެ ގޮތުން ދިވެހިރާއްޖޭގެ ތިމާވެއްޓަށް އައިސްފައިވާ ބަދަލުތައް ދައްކުވައިދޭ ތާރީހީ ފޮޓޯ އެކުލެވޭ މައުރަޒެއް ނޭޝަނަލް އާރޓް ގެލަރީގައި ހުޅުވައިފި އެވެ. އެ މައުރަޒް ހުޅުއްވައިދެއްވީ ނައިބް ރައީސް ފައިސަލް ނަސީމެވެ.

އެ މައުރަޒަކީ ގައުމީ އަރުޝީފްއާ އެންވަޔަރަމެންޓް މިނިސްޓްރީ ގުޅިގެން ކުރިޔަށް ގެންދާ ހަރަކާތެކެވެ. އެގޮތުން ދިވެހި ވެއްޓަށް އައިސްފައިވާ ބަދަލުތައް ފޮޓޯގެ ޒަރިއްޔާއިން މައުރަޒު ކުރެވިގެންދާއިރު ތިމާވެއްޓާ ގުޅޭ ތާރީހީ ލިޔުންތައް މައުރަޒުން ފެނިގެންދެއެވެ. މައުރަޒު ކުރިޔަށްދާނީ މި ހަފްތާގެ އަންގާރަ، ބުދަ އަދި ބުރާސްފަތި ދުވަހާ ހަމަޔަށް ކަމަށް އެންވަޔަރަމެންޓް މިނިސްޓްރީން މައުލޫމާތުދެއެވެ.

މައުރަޒު ހުޅުވިފައި ހުންނާނީ ބުދަ ދުވަހުގެ ހެނދުނު 10 އަކުން 12 އަށެވެ. އަދި މެންދުރު ފަހު ދޭކުން ހަވީރު ހަޔަކަށް އަދި އެރޭ އަށެއް ޖަހަންދެނެވެ. ބުރާސްފަތި ދުވަހު މައުރަޒު ހުޅުވިފައި ހުންނާނީ ހެނދުނު ދިހައަކުން 12 އަށެވެ. މައުރަޒު ހުޅުވުމަށްފަހު ވަނީ ހާއްސަ ޕްރެޒެންޓޭޝަނެއް ދައްކާލާފައެވެ.

ޕްރެޒެންޓޭޝަން ދިނީ ހެރިޓޭޖް މިނިސްޓްރީގެ ރިސާރޗް އެނަލިސްޓު އަލާ ދީދީއެވެ. އާއްމުންނަށް ހުޅުވާލައިގެން ބޭއްވި އެ ޝެޝަންގައި ދިވެހި ތާރީހުގެ ތެރެއިން ތިމާވެށި ހިމާޔާތްކުރުމަށް ގެންގުޅެފައިވާ އުސޫލުތަކަށް ކަމުގައިވާ ފޯކުލޯރު، ވަގުފްތައް، ސަގާފީ ގަބޫލުކުރުންތައް، ވެރިކަމުގެ ނިޒާމުގެ ތެރެއިން އަދި ގާނޫނާއި ގަވާއިދުތަކަށް ވަނީ އަލިއަޅުވާލާފައެވެ.

އެންމެ ފަހުން އަޕްޑޭޓް ކުރީ: 1 ދުވަަސް ކުރިން | ރިވިއު ކުރީ: އަބުދުﷲ ނަސީރު އިބްރާހިމް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 9110099 ނަންބަރަށް ގުޅުއްވާ.

ކޮމެންޓް