ޕިރަމިޑުން ޓުޑޭސް ޓޭސްޓް ސައިފަތުގެ ތަފާތު ފްލޭވާތައް ތައާރަފުކޮށްފި
ތަފާތު 6 ފްލޭވާއެއްގެ ސައިފަތް ވަނީ ތައާރަފުކޮށްފައި
ސައިފަތް ޕްރޮމޯޓްކުރުމުގެ އިވެންޓެއް ޕިރަމިޑްގެ ފަރާތުން ވަނީ ހިންގާފައި
ޕިރަމިޑުން ޓުޑޭސް ޓޭސްޓް ސައިފަތުގެ ތަފާތު ފްލޭވާތައް ތައާރަފު ކޮށްފިއެވެ.
މީގެ ކުރިން ޕިރަމިޑްގެ ފަރާތުން ޓުޑޭސް ޓޭސްޓްގެ މަސާލާ ޗައި ވެސް ވަނީ ތައާރަފު ކޮށްފައެވެ. އަދި އެ ސައިފަތަށް ވެސް އާންމުންގެ ބޮޑު ތަރުހީބެއް ވަނީ ލިބިގެން ގޮސްފައެވެ. ސްރީލަންކާގެ ޕްރިމިއަމް ޓީ ވިއްކާ ޕިރަމިޑުން މިހާރު ތައާރަފު ކޮށްފައިވާ ސައިފަތްތަކަކީ ބްލެކް ޓީ ލެމަން، ގްރީން ޓީ ޖޭސްމިން، ބްލެކް ޓީ ސިނަމަން، ބްލެކް ޓީ ޖިންޖާގެ އިތުރުން އަދި ޕިއޯ ގްރީން ޓީއެވެ.
ޕިރަމިޑްގެ ފަރާތުން ވަނީ ހޮނިހިރު ދުވަހުގެ ހަވީރު 4 އަކުން 6 އަކަށް ޓުޑޭސް ޓޭސްޓް ސައިފަތް ޕްރޮމޯޓް ކުރުމުގެ އިވެންޓެއް ހިންގާ، އިވެންޓްގެ ތެރެއިން ސައިފަތް ގަތް ފަރާތްތަކަށް 10 ޕަސަންޓް ޑިސްކައުންޓް ވެސްދީފައެވެ. އަދި އެ އިވެންޓަށް އާންމުންގެ ފަރާތުން ބޮޑު ތަރުހީބެއް ލިބިގެންދިޔަ ކަމަށް ޕިރަމިޑުން ބުނެއެވެ.
ރާއްޖެއެމްވީއަށް މައުލޫމާތު ދެއްވަމުން ޕިރަމިޑްގެ މާރކެޓިންގް މެނޭޖަރު މުހައްމަދު ސޮބާހު ވިދާޅުވީ މި ސައިފަތް ޕެކެޓްތައް ތައްޔާރު ކޮށްފައިވަނީ ވަރަށް ޕްރިމިއަމް ކޮލެޓީއެއްގައި ކަމަށާއި މި ސައިފަތަކީ ހުރިހާ ފަރާތްތަކަށް ވެސް ކަމުދާނެ ސައިފަތަކަށް ވެގެންދާނެ ކަމަށެވެ.
ޕިރަމިޑުން ވިއްކާ ޓުޑޭސް ޓޭސްޓްއަކީ ދުނިޔޭގެ އެންމެ ގިނައިން ސައިފަތް ބޭރު ކުރާ ސްރީލަންކާގެ ޓީބޯޑް އިން ދޭ ލަޔަން ލޯގޯ ދީފައިވާ ބްރޭންޑެވެ. އަދި އެ ލޯގޯ ދެނީ އެ ގައުމުގެ ޓީ ބޯޑުން ބަލައި 100 ޕަސެންޓް ޕިއޯ ސައިފަތަށް އެކަންޏެވެ.
ޕިރަމިޑުން ޓުޑޭސް ޓޭސްޓް ސައިފަތުގެ ތަފާތު ފްލޭވާތައް ތައާރަފު ކޮށްފައިވާއިރު މި ސައިފަތުގެ ޕްރޮމޯޝަނެއް ވެސް ވަނީ ފަށާފައެވެ. އަދި މި ޕްރޮމޯޝަންގެ ދަށުން ކުރިއަތް އޮތް 15 ދުވަހަށް ސައިފަތުން 10 ޕަސަންޓް ޑިސްކައުންޓް ލިބިގެންދާނެ ކަމަށް ޕިރަމިޑުން ބުނެއެވެ.
