މާލޭގެ ބައެއް ސަރަހައްދު ތަކުން ކަރަންޓު ކެނޑޭނެ: ސްޓެލްކޯ
13 އެޕްރީލު 2019 | ހޮނިހިރު 11:50މިއަދުގެ ވަގުތެއްގައި ހައްލެއް ލިބޭނެ ކަމަށް ސްޓެލްކޯ އިން ބުނި
އަލީ ސަމާޚް | 13 އެޕްރީލު 2019 | ހޮނިހިރު 11:50
ސްޓެލްކޯ
ސްޓެލްކޯގެ އިންޖީނަށް ދިމާވި ޓެކްނިކަލް މައްސަލާއި ގުޅިގެން ހޮނިހިރު ދުވަހު މާލޭގެ އެކި ސަރަހައްދުތަކުން ކަރަންޓު ކެނޑޭތީވެ އާއްމުން ސަމާލުވުމަށް ސްޓެލްކޯ އިން އިލްތިމާސް ކޮށްފިއެވެ.
މިހާރު ވެސް މާލޭގެ ބައެއް ސަރަހައްދުތައް ކަމަށްވާ މާފަންނު، މައްޗަންގޮޅީ ހެންވޭރުން ވަނީ ކަރަންޓު ކެނޑިފައެވެ. ރާއްޖެ.އެމްވީ އަށް މައުލޫމާތު ދެއްވަމުން ސްޓެލްކޯގެ މީޑިއާ އޮފިޝަލް ވިދާޅުވީ، މިހާރު ކަރަންޓު ކެނޑިފައިވާ ސަރަހައްދުތަކަށް ގަޑިއެއްހާއިރު ތެރޭ ލިބޭނެ ކަމަށެވެ.
'' ލޯޑް ޝެޑް ކުރަނީ އަޅުގަނޑުމެން މިހާރު. އެކި ސަރަހައްދު ތަކުން ކެނޑޭނެ އެކި ފަހަރު މަތިން އިނގޭތޯ. ކަރަންޓް ކެނޑިފައި މިހާރު، ކަރަންޓު ދިނުމުގެ މައްސަލަ ހައްލުވެފައި އޮތީ'' އޭނާ ވިދާޅުވިއެވެ.
އޭނާ ވިދާޅުވީ، މިއަދުގެ ވަގުތެއްގައި އެ މައްސަލަ ހައްލުވާނެ ކަމަށެވެ.
ދޮޅު ލައްކަ އަށްވުރެ ގިނަ މީހުން ދިރިއުޅޭ މާލެ އިން ކަރަންޓު ކެނޑުމަކީ އާއްމު ކަމެކެވެ.
