ސައްލެ ހޮއްވަވައިދެއްވާ، ފުރިހަމަ އިތުބާރު އެބަ އޮތް: ރައީސް ސޯލިހް
31 މާރިޗު 2019 | އާދީއްތަ 08:26ސައްލެއާ މެދު ފުރިހަމަ އިތުބާރު އޮތް ކަމަށް ވިދާޅުވި
ހޯރަފުށީ ޖަލްސާގައި ރައީސް ސޯލިހް ވާހަކަ ދައްކަވަނީ
ހޯރަފުށީ ދާއިރާއަށް އެމްޑީޕީން ކުރިމަތި ލައްވާފައިވާ ކެންޑިޑޭޓް އަހުމަދު ސަލީމް ސައްލެއަށް ފުރިހަމައަށް އިތުބާރު އެބައޮތް ކަމަށާއި، ހޯރަފުށީ ދާއިރާ އިން ސައްލެ ހޮއްވަވައިދެއްވުން ވަރަށް ބޮޑަށް އެދިވަޑައިގަންނަވާ ކަމަށް ރައީސުލް ޖުމްހޫރިއްޔާ އިބްރާހިމް މުހައްމަދު ސޯލިހު ވިދާޅުވެއްޖެއެވެ.
ތިލަދުން މައްޗަށް މިހާރު ކުރައްވަމުން ގެންދަވާ ދަތުރުފުޅުގައި އާދިއްތަ ދުވަހުގެ ހެނދުނު ހޯރަފުއްޓަށް ވަޑައިގަތުމުން އެރަށުގެ ރައްޔިތުންކީ ހޫނު މަރުހަބާއަށް ޝުކުރު އަދާކުރައްވާ ރައީސް ސޯލިހު ވިދާޅުވީ، އަހުމަދު ސަލީމަކީ ވަރަށް ގާބިލު ތައުލީމީ ކެންޑިޑޭޓެއްކަމަށެވެ.
ހޯރަފުށީގެ ޖަލްސާގެ އޯޑިއަންސަށް އިޝާރާތްކުރައްވާ ރައީސް ސޯލިހު ވިދާޅުވީ، މި އިންތިޚާބުގެ ނަތީޖާ މި ދާއިރާއިން ދައްކާނެ ގޮތް ސާފުވެވަޑައިގެންފި ކަމަށެވެ.
ރައީސް ސޯލިހު ވިދާޅުވީ، ރިޔާސީ އިންތިޚާބުގައި ހޯރަފުއްޓަށާއި މި ދާއިރާއަށް ވެވަޑައިގެންނެވި ވައުދުތައް ފުރިހަމަކުރައްވާނެ ކަމަށެވެ. އެގޮތުން ހޯރަފުށީގެ އެއާޕޯޓް ހަގީގަތަކަށް ހައްދަވައި، މަގުތައް ހަދައި، ހޯރަފުށީގެ ސިއްހީ މަރުކަޒު ހޮސްޕިޓަލަކަށް ހައްދވައިދެއްވާނެ ކަމަށް ވިދާޅުވިއެވެ. މީގެ އިތުރުން މި ދާއިރާގެ ދެން ހިމެނޭ ތުރާކުނުގެ ފެނާ ނަރުދަމާގެ މަސައްކަތާއި އުލިގަމުގެ ސިޓީ ހޮޓާ ތަރައްގީކުރުމުގެ މަސައްކަތާއި، އެ ރަށުގެ ވެސް ފެނާއި، ނަރުދަމާގެ މަސައްކަތް ވެސް ކުރިއަށް ގެންދަވާނެ ކަމަށް ރައީސް ވިދާޅުވިއެވެ.
ރައީސް ސޯލިހު ވިދާޅުވީ، ހޯރަފުށީގެ އެއާޕޯޓާ އެކު އުލިގަމުގެ ސިޓީ ހޮޓާ ތަރައްގީ ކުރެވި، މި ސަރަހައްދުގައި ޓޫރިޒަމް ފުޅާވެ ވަޒީފާގެ ފުރުސަތުތައް ތަނަވަސް ވެގެންދާނެއެވެ.
އަހުމަދު ސަލީމަށް ވަރަށް ބޮޑަށް ތައުރީފް ކުރައްވާ ރައީސް ސޯލިހު ވިދާޅުވީ، ވޭތުވެ ދިޔަ ދަތި އުނދަގޫ ހަތް ވަރަކަށް އަހަރު ދުވަހު އަހުމަދު ސަލީމް އިސްވެ ހުންނަވާ ނޫސްވެރިކަމުގައި އަދާކުރެއްވި މަސައްކަތަކީ ވަރަށް ފާހަގަކޮށްލެވޭ މަސައްކަތްތަކެއް ކަމަށެވެ. އަދި ސައްލެއަށް ހުށައެޅުނު އެތަކެއް "އޮފާރ" ތަކަށް ނޫނެކޭ ވިދާޅުވެ ގައުމުގެ އެންމެ ނާޒުކު ދަނޑިވަޅުގައި ދެއްކެވި ނަމޫނާއާށް ޝުކުރު އަދާކުރައްވާ ކަމަށް ރައީސް ސާލިހު ވިދާޅުވިއެވެ.
