މި ސަރުކާރުން އެސޯސިއޭޝަންތައް މަގުމަތިކޮށް ނުލާނަން: އަލީ ވަހީދު
29 މާރިޗު 2019 | ހުކުރު 13:25ގަލޮޅު ދަނޑުގެ ސަހަރާއާއި ވީ ފަރާތުގެ ސިޑިބަރު ބޭނުން ނުކުރެވޭނެ
އެކްޓިން ޔޫތު މިނިސްޓަރ އަލީ ވަހީދު
މި ސަރުކާރުން ކުޅިވަރު އެސޯސިއޭޝަންތައް މަގުމަތި ކޮށްނުލާނެ ކަމަށް އެކްޓިން ޔޫތު މިނިސްޓަރ އަލީ ވަހީދު ވިދާޅުވެއްޖެއެވެ.
ބުރާސްފަތި ދުވަހު ނޫސްވެރިންނާއި ބައްދަލުކުރައްވާ ވާހަކުފު ދައްކަވަމުން އަލީ ވަހީދު ވިދާޅުވީ, ގަލޮޅު ދަނޑުގެ ސަހަރާއާއި ވީ ފަރާތުގެ ސިޑިބަރު ބޭނުން ނުކުރެވޭނެ ތަނެއްގެ ގޮތުގައި ޕްލޭނިންގެ ކޮންސަލްޓަންޓުން ލަފާ ދީފައިވާ ކަމަށާއި, އެހެން ކަމުން އެތަން ބޭނުން ކުރުން މަޑު ޖައްސާލަން ނުވަތަ މަނާކުރަން ނިންމާފައިވާކަމަށެވެ. އެހެން ކަމުން އެތަނުގައި ހިނގަމުންގެންދާ އެސޯސިއޭޝަންތައް އެހެން ތަންތަނަށް ބަދަލު ކުރުމުގެ މަސައްކަތް މިހާރު ކުރަމުން ދާކަމަށްވެސް އަލީ ވަހީދު ވަނީ ވިދާޅުވެފައެވެ.
މިނިސްޓަރ ވިދާޅުވީ، ގަލޮޅު ދަނޑުގައި ހިންގަމުންގެންދާ އޮފީސްތައް އެހެން ތަންތަނަށް ބަދަލު ކުރުމުގައި ޖާގައިގެ ދަތިކަން އެބަހުރި ކަމަށެވެ. އެހެން ނަމަވެސް އެ ތަން ބޭނުން ކުރުން މަނާކުރާ ހިސާބުން އެސޯސިއޭޝަންތައް ހިންގުމަށް އިތުރު ގޮތެއް ހޯއްދަވައި ދެވަނެކަމަށާއި، އެސޯސިއޭޝަންތައް މަގުމަތިކޮށް ނުލާނެ ކަމަށެވެ.
އެސޯސިއޭޝަންތަކުގެ ހާލަތު ދަށް މިންވަރު ސިފަ ކުރައްވާ މިނިސްޓަރ ވިދާޅުވީ، ބައެއް އެސޯސިއޭޝަންތަށް ހިނގަމުން ގެންދަނީ ސައިކަލު މަޑިދަށުގައި ކަމަށެވެ. އެހެން ނަމަވެސް އެ ހާލުގައިވެސް ރާއްޖޭގެ ކުޅިވަރުތައް ހިންގުމަށް މަސައްކަތް ކުރައްވާ ބޭފުޅުން އެ މަސައްކަތް ކުރައްވާތީ އުފާ ކުރައްވާކަމަށް މިނިސްޓަރ ވިދާޅުވިއެވެ.
ތަންތަން ކޮޅުން ދަނޑު ހެދުމުގެ ބަދަލުގައި ރަނގަޅު ފެންވަރަކަށް ގަލޮޅު ދަނޑު ހެދުމުގެ ޕްލޭންއެއް ކުރެވެމުންދާ ކަމަށާއި، އެންމެ އެކަށީގެންވާ ގޮތެއްގައި ދަނޑުގެ ބޭނުން ހިފޭނެފަދަ ގޮތަކަށް އިންތިޒާމުތައް ހަމަޖެއްސުމަށް މަސައްކަތް ކުރައްވާނެ ކަމަށް މިނިސްޓަރ ވިދާޅުވިއެވެ.
