ސަންފްރަންޓް މިރަކަލް ސޭލް ފަށައިފި

ކޮންމެ ރޯދަމަހަކާ ދިމާކޮށް ސަންފްރަންޓުގެ ފަރާތުން ކުރިއަށް ގެންދާ މިރަކަލް ސޭލް ފަށައިފިއެވެ.

ސަންފުރަންޓް ލިވިންގގައި ބާއްވާ މި ހާއްސަ ސޭލް މި އަހަރުވެސް ކުރިއަށް ދާނީ ރޯދަމަސް ފެށުމާއި ހަމައަށެވެ. އެގޮތުން މާރޗް މަހުގެ 15 ވަނަ ދުވަހުން ފެށިގެން 05 މެއިގެ ނިޔަލަށް މިޕްރޮމޯޝަން ކުރިއަށްދާނެއެވެ.

ސަންފްރަންޓް ލިވިންގގެ މެނޭޖަރ މުހައްމަދު އިކްރާމް ވިދާޅުވީ މިއީ ވަރަށް ގިނަ ކަސްޓަމަރުން ވެސް އިންތިޒާރު ކުރަމުން އަންނަ ސޭލްއެއް ކަމަށާއި ކުރީ އަހަރުތަކާއި ޚިލާފަށް މި އަހަރުގެ ސޭލް ތަފާތުވާއިރު، ސޭލްގެ މުއްދަތުގައި ކުރިން ސާމާނު ވިއްކަމުން ދިޔަ އަގަށް ވުރެ ހެޔޮ އަގެއްގައި ސާމާނުތައް ލިބިގެންދާނެ ކަމަށެވެ.

ރޯދަ މަހަށް ހާއްސަކޮށްގެން ކުރިއަށްގެންދާ މިސޭލްގައި ބަދިގޭގައި ބޭނުން ކުރާ ސާމާނާއި، ފަރުނީޗަރާއި އަދި ގޭތެރެއަށް ބޭނުންވާ އެހެނިހެން ސާމާނު ލިބޭނެ ކަމަށް ސަންފްރަންޓުން ބުންޏެވެ.

އެހެންކަމުން އެތަނުން ގަންނަ މުދާ މާލެ އަދި ހުޅުމާލޭގެ ރައްޔިތުނަށް ގެއާއި ހަމައަށް ޑެލިވަރީ ކޮށްދޭނެ ކަމަށާއި ވިލިމާލޭގެ ރައްޔިތުންނަށް ފެރީ އާއި ހަމައަށް މުދާ ފޯރުކޮށްދިނުމަށް ވަނީ ހަމަޖެހިފައެވެ. އަދި ރަށްތަކުގައި ދިރިއުޅޭ ފަރާތްތަކުން ވެސް މުދާ ގަތުމުން ދޯނި ފަހަރަށް މުދާ ފޯރުކޮށްދޭނެ ކަމަށް ވެސް ސަންފްރަންޓުން ވަނީ ބުނެފައެވެ.

މި ޕްރޮމޯޝަންގެ ތެރެއިން، އެކިއެކި ފައިނޭންސް ލީސިންގް ސްކީމްތައް މެދެވެރިކޮށް ވެސް ވިޔަފާރި ކުރެވޭނެއެވެ.

ކޮންމެ އަހަރަކުވެސް ރޯދަ މަހާއި ދިމާކޮށް ސޭލް ބޭއްވުމުގެ މަޤްސަދަކީ ކަސްޓަމަރުންނަށް ހެޔޮ އަގެއްގައި ތަކެތި ފޯރުކޮށްދިނުން ކަމަށް ސަންފްރަންޓްއިން ބުންޏެވެ.